"4 jeltoqsandaǵy jaǵdaı boıynsha "sary" aımaqta Bostandyq, Medeý jáne Túrksib aýdandary tur, al "saryǵa" jaqyndaǵan - Almaly aýdany. Infeksııany boldyrmaý úshin qoldanystaǵy shekteý sharalary jetkiliksiz ekeni anyq", delingen habarlamada.
Shekteý sharalaryn kúsheıtý usynylady. Mysaly, 15 jáne odan da kóp adam jumys isteıtin uıymdar qyzmetkerleriniń 60 paıyzyn qashyqtan jumys rejimine aýystyrý, keıbir uıymnyń jumys rejimin ózgertý, úı-jaı ıelerine basqa zańdy tulǵalarǵa ǵımaratyn jalǵa berýge tyıym salý.
Aýdandyq ákimdikterge jáne bólshek saýda qaýymdastyǵyna azyq-túlik dúkenderine kire beriste áleýmettik qashyqtyq týraly mańdaıshalar men belgilerdiń bolýyn jáne dúken ishinde bir adamǵa keminde tórt sharshy metr qashyqtyq bolýyn saqtaýdy qamtamasyz etý tapsyryldy. Sonymen qatar, SOO-da ornalasqan qoǵamdyq tamaqtaný oryndarynyń jumys ýaqytyn saǵat 10.00-den 22.00-ge deıin belgileý tapsyryldy.
