«Maǵan 5 mıllıon teńge utyp alǵanymdy aıtqan kezde qatty tań qaldym. Banktermen bul máselede qıynyraq, óıtkeni kóptegen jastardyń kepilge qoıatyn múlki joq. «Bıznestiń jol kartasy» grantyn jeńip aldyńyz degendi estý – eń keremet sezim. Bul shynymen de kópshilik úshin óz bıznesin alǵa jyljytýdyń úlken múmkindigi», - deıdi Temirlan Ormanqulov.
Kásipker Dınara Súınálıevanyń jasóspirimderge sporttyq kıim tigetin sheberhanasy bar. Qazirgi jastar erekshe bolǵysy keledi, demek olardyń talǵamyna jaýap berý kerek. Isker áıel «Bıznestiń jol kartasy - 2025» baǵdarlamasy boıynsha grant baıqaýyna qatysýǵa sheshim qabyldaǵan.
«2020 jyly bizge 5 mıllıon teńge oınatylyp jatqanyn aıtqan kezde, bizde sporttyq kıimge órnek salý jetispeıtinin túsindim. Qazirgi ýaqytta jasóspirimderge arnalǵan sporttyq kıimder tigýdemiz. Jastar kózge túskendi, erekshe bolǵandy qalaıdy. Sondyqtan «Bıznestiń jol kartasy» sheńberinde maǵan bólingen 5 mıllıon teńge grantyna mataǵa basyp shyǵaratyn jáne eki tigin mashınasyn satyp aldym. О́ndiris bastaldy. Biz ári qaraı jumys isteýge, eki tiginshi alýǵa daıynbyz. Qazirdiń ózinde jumyspen qamtý ortalyǵyna júgindik. Shaǵyn jáne orta bıznes ıdeıasyn júzege asyrýǵa, bıznesti jalǵastyrýǵa osyndaı múmkindik bolǵanyna qýanyshtymyn. Sebebi sol kezdegi jabdyqpen, men, ókinishke qaraı, bulaı isimdi dóńgelete almas edim», - dep atap ótti Dınara Súıinálıeva.
Aıta keteıik, «Bıznestiń jol kartasy» baǵdarlamasy Qazaqstanda 2010 jyldan beri jumys isteıdi. Onyń bir baǵytyn ákimdikter qadaǵalaıdy. Jergilikti atqarýshy organdar bıznesti granttarmen jáne ınfraqurylymdyq kómekpen qoldaıdy. Granttar konkýrsyna kásipkerler de, óz bıznesin ashqysy keletin qazaqstandyqtar da, onyń ishinde áıelder, múgedekter jáne 50 jastan asqan adamdar da qatysa alady. Bıyl elordada 57 bıznes-joba granttarmen qoldaý tapty.
