Onyń aıtýynsha, kıberqaýipsizdiktiń negizgi prınsıpteri - qupııalylyq, tutastyq jáne qoljetimdilik bolyp tabylady. Sońǵy atalǵandarmen problemalar týyndady.
«Túsinikti bolýy úshin aıtaıyn, elektrondy úkimetti aqparattandyrýdyń árbir iri obektisi, bul qarjy sektoryna da qatysty, únemi túrli kıbershabýyldardyń yqpalynda bolady, jyl saıyn aqparattyq qaýipsizdiktiń mıllıardtaǵan oqıǵasy tirkeledi, bıylǵy jyly shamamen 4 mlrd oqıǵa jáne mıllıondaǵan kıbershabýyl - shamamen 200 mln shabýyl tirkelgen. Osy turaqty teris áserlerden basqa, pandemııa kezinde jáne qashyqtan jumys isteýge kóshý kezeńinde sıfrlyq ınfraqurylymǵa túsken júkteme kúrt artty, biz buǵan daıyn bolmaı shyqtyq», - dedi spıker.
