Saýd Arabııasy Koroldiginiń Astanasy Er-Rııadta ótken Islam álemindegi beldi uıymdardyń biri – halyqaralyq Islam fıqhy (kanony) akademııasynyń XXI sezinde Qazaqstan tuńǵysh ret osy uıymnyń turaqty múshesi bolyp qabyldandy.
Saýd Arabııasy Koroldiginiń Astanasy Er-Rııadta ótken Islam álemindegi beldi uıymdardyń biri – halyqaralyq Islam fıqhy (kanony) akademııasynyń XXI sezinde Qazaqstan tuńǵysh ret osy uıymnyń turaqty múshesi bolyp qabyldandy.
45 elden kelgen Islam ǵulamalary men faqıhteri alqaly jıynda musylman áleminiń ózekti máseleleri boıynsha pikir almasyp, musylman jurtshylyǵyn alańdatyp júrgen taqyryptardy talqyǵa saldy. Ǵalymdardyń alty kúndik ǵylymı keńesiniń nátıjesinde «Genetıka, gendik ınjenerııa, adam genomy», «Sýkýk (ıslam bankteriniń ónimi) quraly», «Qarjylyq operasııalardaǵy hedj», «Maldy toqpen urý arqyly baýyzdaý», «Islam mázhabtary arasyndaǵy dıalog», «Júrgizýshilerdiń jyldamdyqty shamadan tys asyrýlary men jol erejelerine degen nemquraılyqtaryna qatysty qylmystyq jaýapkershilik», «Tamaq ónimderi men dári-dármekke alkogol nemese shoshqa maıy sekildi haram zattardy, túrli qospalardy qosý» syndy máselelerge qatysty ǵalymdardyń pátýalary shyqty.
1977 jyly negizi qalanǵan halyqaralyq Islam fıqhy (kanony) akademııasy – búgingi Islam ǵulamalary men faqıhteriniń basyn quraıtyn musylmandardyń ǵylymı ortalyǵy bolyp esepteledi. Quramyna 57 eldiń ǵalymdary kiretin qarashańyraqta qazirgi kúnniń kókeıkesti máseleleri keńinen qaralyp, olarǵa qatysty Islam ǵulamalarynyń ortaq pátýalary shyǵyp otyrady.
«Egemen-aqparat».
