Mınıstr Qapshaǵaı sý qoımasy aýdanyndaǵy kún jáne gıdroelektr stansasynyń jumysymen tanysyp, Shelek aýylyndaǵy jel energetıkalyq stansasynyń qurylys ornynda Almaty men Almaty oblysyn energııamen jabdyqtaý týraly máselelerdi talqylady.
N.Noǵaev Úkimet elektr energetıkasy sektorynda manevrlik qýat keshenderiniń qurylysyn yntalandyrýǵa nıetti ekenin aıtty.
Búginde elimizde elektr qýatynyń profısıti manevrlik qýattardyń tapshylyǵymen sáıkes kelip tur. Máselen, táýlik ishinde elektr energııasyn tutyný deńgeıi birkelki emes. Atap aıtqanda keshki ýaqyttarda joǵarylap, túnde tómendegen boıda elektr stansalary jedel aýyspaly jumysty qajet etedi. Sol sebepti jumys istep turǵan elektr stansalarynyń qazirgi retteý múmkindikteri jetkiliksiz bolǵan soń, júıelik operatorǵa Reseıdiń retteýshi energııa júıesine súıenýge týra keledi.
Manevrlik generasııany qurý jónindegi jobalardy anyqtaý aýksıondy irikteýdi qoldaný arqyly júzege asyrylmaq. Vedomstvo basshysynyń aıtýynsha, bul osyndaı kózderdiń qurylysyna serpin berip, tutynýshylarǵa neǵurlym tıimdi jobalardy tańdaýǵa jol ashady. Atalǵan sharalar Qazaqstandaǵy Jańǵyrmaly energııa kózderiniń ınvestısııalyq tartymdylyǵyn arttyrýǵa múmkindik berip, otandyq energetıkalyq júıege qolaıly áser etedi dep boljanýda.
