E.Saıyrovtyń aıtýynsha, munaıly ólkege mańǵystaýlyqtardyń shaqyrýymen kelgen olar kezdesýde elimizdegi saıası modernızasııa úrdisi jáne alda bolatyn parlamenttik saılaý týraly talqylady.
– Prezıdent Q.Toqaev Ujymdyq qaýipsizdik týraly shart uıymy Ujymdyq qaýipsizdik keńesiniń sessııasynda elimizdiń saılaýdy ashyq, ádil ótkizýge umtylatyndyǵyn aıtty, bul qoǵam úshin úlken jetistik, – dedi spıker.
Árbir saılaýdyń elimizdegi qoǵamdyq-saıası úrdisterge taldaý jasaýǵa, sondaı-aq ol azamattardyń saıası mádenıetin kóterýge múmkindik beretinin aıtqan ol qazirgi tańda kópshiliktiń saılaýdy qalaı, qaıtkende ádil ótkizýge bolatyndyǵy týraly suraıtyndyǵy týraly aıtty.
– Árbir adam óziniń daýys berý quqyǵyn jetik bilse saılaý ádil ótedi, ony árbir adam qadaǵalaı alady. Aldaǵy saılaý, birinshiden azamattardyń saıası mádenıetin kóterýge, ekinshiden elimizde saıası úrdisterdiń tolyqqandy evolıýsııalyq damý sharttaryn qurýǵa jol ashady dep sanaımyn, dedi saıasattanýshy.
Qazirgi tańda elimiz elektoralnyı sıklge enýde. Parlamenttik saılaýdan soń ókilettilikteri 2021 jyly aıaqtalatyn aýyl, aýyldyq okrýg jáne poselka ákimderin saılaýǵa bastama beredi. Mundaı saılaý Qazaqstanda tuńǵysh ret ótkizilmek.
– Ulttyq keńestiń otyrysynda Memleket basshysy jergilikti basqarýdyń jańa Konsepsııasyn jasaqtaý qajettigin aıtty. Bul bizge barlyq máselelerdi egjeı-tegjeıli, aýdandyq deńgeıden bastap qaraý qajettigin uǵyndyrady, – dedi E.Saıyrov.
E.Saıyrovtyń aıtýynsha, aldaǵy Parlament saılaýy, sondaı-aq aýyldyq okrýg ákimderi saılaýy elimizde oń qoǵamdyq-saıası úrdisterdi qurýǵa múmkindik beredi.
– Eger óńirlerde qoǵamdyq-saıası úrdister tıimdi júrgiziletin bolsa, onda Qazaqstannyń saıası júıesi turaqty deýge bolady. Tek óńirlerdegi jaǵymdy úrdister ǵana turaqty saıası úrdisterdiń katalızatory bolmaq. Sondyqtan biz búgin osy úrdis týraly Mańǵystaý belsendilerimen kezdesip otyrmyz, – dedi saıasattanýshy.
Demokratııa memlekettiliktiń negizgi aspektileriniń biri, ony memlekettilikke qarsy qoıýǵa bolmaıdy degen E.Saıyrov azamattyq qoǵamnyń elimizde júrgizilip jatqan úrdisterge túsinistikpen atsalysýy qajettigin aıtyp, demokratııalyq úrdisterdiń myqty ári táýelsiz Qazaqstannyń atrıbýty ekendigin jetkizdi.
Kezdesýde Mańǵystaý oblysynyń qoǵam belsendileri A.О́risbaev, M.Sebasov sóz alyp, óz oılaryn ortaǵa saldy.
Mańǵystaý oblysy
