О́tkizilip otyrǵan halyqaralyq konferensııa volonterlikti damytýdyń qazaqstandyq tájirıbesin usynýdyń jáne halyqaralyq deńgeıde tájirıbe almasýdyń biregeı múmkindigi.
Uıymdastyrýshylardyń aıtýynsha, bir jyl ishinde volonterlik qyzmetke qatysatyn azamattar men uıymdar sany ósip, iske asyrylatyn baǵdarlamalar men jobalar aýqymynyń keńeıgeni anyq. Derekterge qarasaq, osy ýaqyt ishinde volonterlik uıymdar men toptardyń sany úsh esege artyp, 600-ge jetti. Turaqty volonterler sany eki esege artyp, búginde
100 myńnan astam adamǵa jýyqtaǵan.
Qazaqstandyq volonterlerdiń qyzmeti búkil álemdi sharpyǵan pandemııa qaýpi kezinde aıryqsha kórindi. Osy qıyn kezeńde volonterlik isterge 500 myńnan astam adam tartyldy, olardyń tarapynan mıllıonnan asa azamatqa kómek kórsetildi.
Osy bir jylda «Birgemiz!» respýblıkalyq front-ofısi jáne 17 óńirlik front-ofıs ashyldy. Qazvolunteer.kz onlaın-platformasy iske qosylyp, onda 44 myńnan astam volonter, 3 063 uıym jáne 977 joba tirkelgen.
Konferensııada taqyryptyq seksııalarmen qosa plenarlyq otyrys ótti. Onlaın formattaǵy pikirtalas sessııalarynda qatysýshylar volonterlik salasyndaǵy IT-tehnologııalar, volonterlerdiń SOVID-19-ǵa qarsy kúreske qatysýynyń halyqaralyq tájirıbesi, volonterlikke qatysty zańnamany jetildirý jáne volonterlerdiń memlekettik organdarmen, qoǵamdyq jáne bıznes-qurylymdarmen ózara is-qımyly máselelerin talqylady.
Konferensııaǵa qatysýshylar 7 jalpyulttyq jobanyń, atap aıtqanda, «Sabaqtastyq», «Saýlyq», «Taza Álem», «Asyl mura», «Qamqor», «Úmit», «Bilim» sharalarynyń júzege asyrylý barysy týraly aıtty. Onyń aıasynda eriktilerdi qoldaý ortalyqtary ashyldy. Volonter bolǵysy keletin azamattardyń barlyǵyna keńes berý qyzmetteri kórsetildi. 7 myńnan astam volonter oqytyldy. Volonterlikti damytý boıynsha 50 bastamashyl top quryldy.
Konferensııa jumysyna BUU IýNISEF balalar qorynyń tóraǵasy Artýr van Dızen, BUU Eýropa men Ortalyq Azııaǵa arnalǵan volonterler baǵdarlamasynyń aımaqtyq menedjeri Rımma Sabaeva, sondaı-aq qazaqstandyq eriktiler, ÚEU ókilderi, jalpyulttyq volonterlik jobalar ambassadorlary, Reseı, Qyrǵyzstan, О́zbekstan, Ázerbaıjan jáne Moldova volonterlik uıymdarynyń ókilderi qatysty.
