"Jyl saıyn sportpen belsendi aınalysatyn adamdardyń sany artyp keledi. Qala turǵyndarynyń sportpen tek hobbı retinde ǵana emes, sonymen qatar kásibı túrde aınalysatyny bizdi qýantady. Buǵan deıin birqatar sport federasııalarynyń basshylarymen kezdesip, sportshylarǵa sport nysandaryn, sporttyq medısınalyq mekemelerdi bólý, sondaı-aq kıim-keshekpen jabdyqtaý jáne t. b. máselelerdi talqyladyq.
Ár túrli sport túrleri boıynsha federasııalardyń múddelerin tolyq qamtý úshin konkı tebýshiler (mánerlep syrǵanaý, short-trek), bıatlon, kerlıng, shańǵy jarystary jáne t. b. federasııa basshylarymen kezdestim. Sportpen aınalysý úshin qosymsha oryndardy qarastyrýdy jáne bólýdi, saıabaqtarda federasııalar úshin qolaıly ınfraqurylym qurýdy, onyń ishinde kıim aýystyrý, kerek-jaraqtardy saqtaý jáne t. b. úshin arnaıy oryndardy abattandyrýdy tapsyrdym.
Bıyl "Jumyspen qamtýdyń jol kartasy" baǵdarlamasy boıynsha birqatar sport nysandary jóndeldi, 760 myń sharshy metr (aýlalar, qoǵamdyq keńistikter) abattandyryldy. Qalanyń eldi-mekenderinde tórt iri dene shynyqtyrý-saýyqtyrý kesheniniń qurylysyn júrgizip jatyrmyz. Sport nysandaryn salý kezinde bir ǵımaratta birden birneshe federasııanyń jumys isteýi úshin nysandardyń sporttyń túrli salasyna beıim bolýyn nazarda ustaımyz", - dep jazdy Altaı Kólginov.
