Sharaına
BUU janyndaǵy Adam quqy jónindegi keńes komıssııasy Sırııa prezıdenti Bashar Asadtyń rejimine qarsy aıyptaýlarmen shyqty. Onda rejimniń adamzatqa qarsy qylmys jasaǵany atap kórsetiledi. «Deılı Telegraf» komıssııa túzgen qupııa tizimde atalǵan qylmysqa qatysy barlardyń aty atalyp, túsi tústeledi eken.
Sharaına
BUU janyndaǵy Adam quqy jónindegi keńes komıssııasy Sırııa prezıdenti Bashar Asadtyń rejimine qarsy aıyptaýlarmen shyqty. Onda rejimniń adamzatqa qarsy qylmys jasaǵany atap kórsetiledi. «Deılı Telegraf» komıssııa túzgen qupııa tizimde atalǵan qylmysqa qatysy barlardyń aty atalyp, túsi tústeledi eken.
Basylymnyń jazýynsha, tizimde Sırııa qalalaryndaǵy turǵyn úı aýdandaryn zeńbirekterden atqylaýǵa, sondaı-aq, adamdardy óltirgender men azaptaǵandarǵa, áıelder men balalardy qosa alǵanda, aýrýhanalarda jaraly oppozısıonerlerdi qınaǵandarǵa jaýaptylar meńzelipti. Komıssııa kórsetilgen qylmystarǵa B.Asadtyń sheneýnikterin aıyptap otyr eken. Tizimge naqty kimder kirgeni ázirshe belgisiz. Buǵan deıin oǵan prezıdent B.Asad ta kiredi degen áńgime aıtylyp kelgen bolatyn.
Iаnýkovıchti qoldaǵandar aksııasy
Ýkraınada mazasyz kúnder men túnder jalǵasýda. Halyq ta bılikke qarsylar jáne jaqtastar bolyp ekige bólinip otyr. Keshe Ýkraınadaǵy bıleýshi О́ńirler partııasynyń ókilderi prezıdent Vıktor Iаnýkovıchti qoldaǵan aksııalaryn bastady.
Aksııalar Kıevtegi Marııa saıabaǵynda jáne Joǵary Rada mańynda bastaý aldy. Búgin biz Marııa plasdarmyn aldyq... Biz... prezıdent pen bizdiń partııamyzdy qoldaý jónindegi aksııamyzdy bastaýdamyz, dedi О́ńirler partııasynan burynǵy depýtat Iýrıı Boldyrev shara basynda sóılegen sózinde. Sondaı-aq, ol Ýkraınadaǵy bılikke qarsy sońǵy oqıǵalardy «fashıstik tóńkeriske» áreket dep baǵalady. Osy aralyqta oppozısııadaǵy «Ýdar» qozǵalysynyń serkesi Vıtalıı Klıchko bas biriktirsek, alynbaıtyn asý joq dep málimdedi.
Qysqa qaıyryp aıtqanda:
* «Rosatom» memlekettik korporasııasynan 45 mln. rýbl qoldy bolǵan. Osyǵan baılanysty qylmystyq is qozǵaldy. Aqsha urlanǵanyn IIM qyzmetkerleri anyqtaǵan syńaıly.
* Aýǵandyq esirtki saýdalaýshylar 30 jastaǵy Tájikstan azamaty Mırmad Barotovty urlap ketken. Ony bosatý úshin aqsha talap etipti. Eger aqsha tólenbegen jaǵdaıda onyń basyn alamyz dep qoqan-loqy jasapty. Sóıtse, urlanǵannyń uly esirtki partııasy úshin qaryzyn qaıtarmapty.
*Janýarlardy qorǵaýshylardyń bir toby Nıý-Iork basshylyǵyna 26 jastaǵy Tommı dep aıdar taǵylǵan shımpanzeni jeke tulǵa retinde resmı taný týraly ótinish túsiripti. Belsendiler osylaısha erli-zaıyptylardyń ıeliginde qamaýda ustalatyn maımyldyń bostandyqqa shyǵarylýyn talap etken.
Pýtınge narazylar kóp
Reseı prezıdenti Vladımır Pýtın Armenııaǵa saparmen kelgen bolatyn. Eýropalyq ıntegrasııany jaqtaýshylar Armenııanyń Keden odaǵyna ótýine qarsylyq tanytyp, Reseı basshysynyń saparyna narazylyqtaryn bildirdi.
Armenııanyń astanasy – Erevan qalasynyń ortalyǵyna jınalǵan myńdaǵan belsendiler óz elderiniń Eýropaǵa ıntegrasııalanǵany utymdy ekenin aıtyp, uran kóterdi. «Biz óz elimizdiń qojaıyndarymyz!» dep urandatty jınalǵandar. Sonymen qatar, olar Armenııa prezıdenti Serj Sargsıannyń otstavkaǵa ketýin talap etti. Aksııa ornyna polısııa kóptep shoǵyrlandyryldy. Olardyń arasynda jaı kıim kıip júrgen «jansyzdar» da kóp boldy. Asa belsendilik tanytqan ondaǵan adam qamaýǵa alynǵan.
Eldegi ekinshi adam ornynan tústi
Soltústik Koreıa basshysy Kım Chen Ynnyń naǵashysy Chan Son Thek Ulttyq qorǵanys komıssııasy basshysynyń orynbasary laýazymynan túsirip tastaldy. Ulttyq qorǵanys komıssııasy KHDR-degi joǵary áskerı organ bolyp tabylady.
Qorǵanys komıssııasyna Kım Chen Ynnyń ózi basshylyq etedi. Sondyqtan onyń orynbasary eldegi ekinshi yqpaldy adam sanalady. Muny Ońtústik Koreıanyń Ulttyq barlaý agenttigi bilip qoıǵan. Otstavka týraly qorytyndy jasaýǵa Chan Son Thektiń eki jaqyn seriginiń aýyr jazaǵa kesilip, jurt kózinshe óltirilýi negiz bolǵan sekildi. Osydan soń Chan Son Thektiń ózi de resmı sharalardan kórinbeı ketken. Ońtústikkoreıalyq barlaý Kım Chen Yn kóńilderinen shyqpaǵan soń jazalanǵandar ony taǵynan taıdyrmaq bolýy yqtımal degen boljam jasaǵan.
Áskerdi daıyndyq sapyna qoıdy
Venesýela prezıdenti Nıkolas Madýro el astanasy – Karakas qalasynda shamaly ýaqytqa jaryq sónip qalǵannan keıin áskerdi barynsha daıyndyqqa keltirý týraly buıryq bergen.
N.Madýronyń sózine qaraǵanda, armııa energııa júıesin búlikshiler men oppozısııashylardyń odan arǵy shabýylynan qorǵaýy tıis. Onyń pikirinshe, elektr jaryǵynyń óship qalýyna úkimetke qarsylardyń is-áreketi alyp kelgen. El prezıdenti, sondaı-aq, qýat jelilerine «shabýyldy» 8 jeltoqsanda ótetin Venesýela qalalarynyń merlerin saılaýmen de baılanystyrady. Sóz retinde aıta ketsek, keshe keshkisin Karakas pen onyń tóńireginde elektr jaryǵy jappaı óship qalǵan bolatyn. Bul kezde N.Madýro jergilikti televızııa arqyly tikeleı efırden sóz sóılep jatqan edi.
Oppozısııa úkimet úıine basyp kirdi
Bangkok qalasynda demonstranttar úkimet úıine basyp kirdi. Taılandtyń «Natıon» gazetiniń jazýynsha, oppozısııa basshylary narazylyq tanytýshylardyń jeńisi týraly jarııa etip úlgergen.
Al «Assoshıeıted Press» agenttigi bolsa, oppozısıonerlerdiń úkimet úıi ornalasqan keshen aýmaǵyna ǵana kirgenin aıtyp otyr. Bul úshin olar syrtqy qaqpany qıratyp, ǵımarat aldyndaǵy shalǵynǵa baryp jaıǵasqan. Polısııa narazylyq tanytýshylarǵa eshqandaı qarsylyq kórsetpegen. Ǵımarattyń ózi bolsa, 29 qarashadan beri jabyq tur. Sondyqtan ishinde eshqandaı sheneýnik joq. Taıland bıligi osylaısha oppozısıonerlerge qatysty taktıkasyn kúrt ózgertken. Al narazylyq aksııasy qarasha aıynyń sońynan beri jalǵasyp keledi.
Internet materıaldary negizinde ázirlendi.
