Aıta keteıik, búgin Bilim jáne ǵylym mınıstrliginiń apparat jınalysynda L.N.Gýmılev atyndaǵy Eýrazııa ulttyq ýnıversıtetindegi qysqy emtıhandar sessııasyna daıyndyq taqyryby qaraldy.
"Tek qana bir ýnıversıtettiń ózinde qashyqtan oqytý formatyna kóshý úshin qomaqty qarjat bólindi. Iаǵnı qashyqtan oqytýǵa kóshý úshin biraz jumysty atqarý qajettigi boldy. Onyń ishinde tehnıkalyq jumystar bar. Sondyqtan tek L.N.Gýmılev atyndaǵy Eýrazııa ulttyq ýnıversıtetinde ǵana emes, basqa da oqý oryndarynda da aýqymdy jumystar qabyldandy", dedi mınıstr.
Osyndaı oraı ol bilim berý sapasyn tómendetip almaý qajettigin aıtty.
"Dástúrli oqytý men qashyqtan oqytý formatyndaǵy sapa birdeı dep aıtý qıyn. Bizdiń aldymyzda turǵan basty maqsat – ol bul sapany tómendetpeý úshin barlyq qajetti jumystardy atqarý", dedi vedomstvo basshysy. Sonymen qatar mınıstr qysqy emtıhandar sessııasyna daıyndyq máselesine toqtaldy. Osy oraıda paıdalanylatyn júıeni stýdentterge egjeı-tegjeı túsindirý tapsyryldy.
"Akademııalyq adaldyq qaǵıdalaryn saqtaý mańyzdylyǵy bar. "Qashyqtan tapsyryp jatyrmyn, eshkim kórmeı tur" dep kóshirip alý nemese basqa da máseleler bolsa, odan keıin ol stýdentterdiń nátıjeleri bekitilmese, suraqtar týyndaıtyny belgili. Sondyqtan júıelerdiń múmkindikterin, onymen jumys isteý tártibin, jaýapkershilik jaǵyn stýdentter arasynda túsindirý jumysyn júrgizýdi tapsyramyn. Ár ýnıversıtettiń basshylyǵy stýdentterge qatysty barlyq túsindirý jumystaryn atqarýy kerek", dedi A.Aımaǵambetov.
