AQSh-tyń «Nightscope» kompanııasy ǵalymdary kúzetshiniń robot nusqasyn jasap shyǵardy. Bul týraly ITAR-TASS habarlady.
Kúzetshi robottyń boıy 1,5 metrdi quraıdy. Ol beınekamera, teplovızor, qashyqtyq ólsheýish, radar, aýa sapasyn tekserý quraly jáne mıkrofonmen jabdyqtalǵan. Robottyń ereksheligi, ol jadyna aldyn-ala engizilgen ýchaskede óz betimen kúzetshiniń jumysyn atqara beredi eken.
Aldaǵy ýaqytta ǵalymdar robotqa sensor arqyly adamnyń betin tanyp bilip, onyń qarýlanǵan ıa qarýlanbaǵanyn anyqtaıtyn qurylǵy qondyrmaq. «Biz «Sendı hýk» mektebinde oryn alǵan qaıǵyly oqıǵadan keıin osy jumysty qolǵa alýdy jón kórdik, – deıdi «Nightscope» kompanııasynyń atqarýshy dırektory Ýılıam Lı. – Ár mektepti qarýlanǵan polıseımen qamtamasyz etý múmkin emes qoı».
Konnektıkýt shtaty Nıýtaýn qalasyndaǵy «Sendı hýk» mektebinde 2012 jylǵy 14 jeltoqsanda qaıǵyly oqıǵa oryn alǵan edi. Munda 20 jasar Adam Lenza esimdi azamat 20 oqýshy men alty eresek adamdy atyp óltirip, artynan ózine qol jumsaǵan.
Robotty jasap shyǵarýshylardyń esebi boıynsha, robot kúzetshiniń qyzmeti mektep ákimshiligine arzan túspek. AQSh-ta kúzetshiniń aılyǵy orta eseppen saǵatyna 8 dollardy qurasa, robottyń jumysy saǵatyna 6,25 dollardan baǵalanyp otyr eken.
Aıdar О́risbaev.
Derekkóz: Itar-tass.com
