Qaraǵandy oblysynda bir ıt ınternet juldyzyna aınaldy. Bul týraly Nur.kz habarlady.
Bul ıt 80-shi jyldary hıtke aınalǵan Modern Talking ánine bıleıdi eken. Qojaıynnyń aıtýyna qaraǵanda, tóbettiń bılegenine jarty jyl bolǵan. Onyń osy áreketin jergilikti jerdegi elektrıkter uıaly telefonǵa túsirip, ǵalamtorǵa júktegen kórinedi. Qazir bul ıtke qatysty ártúrli pikirler aıtylyp qalyp júr. Biri ıttiń talantyna tánti bolsa, biri tar qapasta ustamaý qajettigin jetkizgen. Ánniń yrǵaǵyna qaraı qımyldaıtyn ıtti kórýshiler qatary kúnnen-kúnge artyp kele jatyr. Ǵalamtor arqyly pikir bildirgender arasynda tóbetti satyp alýǵa nıet bildirgender de bar. Biraq qojaıyn ázirge eshbir usynysqa naqty tujyrym jasaǵan joq. Onyń ándi uǵynatyn jáne bıleıtin qupııasyn da ashyp aıtpady. Sırek kezdesetin mundaı jaǵdaı balǵyndardy da qyzyqtyra tústi.
Baqytbek Keneshuly.
Derekkóz: Nur.kz
