Astananyń «Barys» hokkeı klýby Chelıabide jergilikti «Traktor» komandasymen kezdesip, qarsylastaryn 4:0 esebimen utty. Bul týraly www.egemen.kztilshisi habarlady.
Munyń aldynda «Barys» 28 qarasha kúni chelıabilik komandany qabyldap, óz aıdynynda «Traktordan» 1:5 esebimen ese jeńilgen bolatyn. Astanalyqtar sonyń esesin Chelıabige baryp, qaıtardy dese bolady. Bul matchta Dmıtrıı Ýpper, Roman Starchenko, Naıdjel Doýs pen Mıhaıl Panshın bir-bir shaıbanyń avtory atandy. Osy jeńisten keıin «Barys» Qazan qalasynyń «Aq Bars» komandasynyń arasyndaǵy upaı aıyrmashylyǵyn bir upaıǵa qysqartty. Qazir Qurlyqtyq hokkeı lıgasynyń «Shyǵys» konferensııasynda Tatarstan astanasynyń komandasy 68 upaımen kósh bastap kele jatsa, «Barysta» 67 upaı bar.
Endi otandastarymyz kelesi oıynyn erteń, ıaǵnı 5 jeltoqsan kúni Nıjnekamskide «Neftehımık» komandasymen ótkizedi. Komandalar muz aıdynǵa Astana ýaqyty boıynsha 21:00-de shyǵady.
Dastan Kenjalın.
Derekkóz: www.khl.ru
