Kıevte eýroıntegrasııany qoldaýshylardyń narazylyq aksııalary jalǵasýda. Bul týraly ITAR-TASS habarlady.
«Batkıvshına» partııasynyń tóraǵasy Arsenıı Iаsenıýk Nıkolaı Azarovtyń úkimeti otstavkaǵa ketpeıinshe parlamenttiń jumysy toqtap turatynyn málimdedi.
Ýkraına oppozısııasy Joǵarǵy Radanyń plenarlyq otyrysyn buzýǵa múddeli ekenderin jetkizgen. Parlament spıkeri Vladımır Rybak otyrysty ashpaı jatyp, «Batkıvshına» oppozısııalyq fraksııasynyń depýtattary zań shyǵarý organy trıbýnasyn bógep tastady. Kezekti úkimet otyrysy ótýi tıis bolǵan mınıstrler kabıneti ǵımaratynyń aldyna júzden asa ereýilshi jınaldy. Kireberiste metalldan jasalǵan qorshaý, al onyń syrtynda mılısııa qyzmetkerleri sap túzep tur.
Táýelsizdik maıdanynda uıymdastyrylǵan mıtıng ótýde. Ondaǵy ereýilshilerdiń bir bóligi túngi kezekshilikten úılerine qaıtty. Degenmen, taǵy birneshe júz adam alańda qalyp, mıtıngti jalǵastyrdy. Al prezıdent ákimshiligi aldynda oryn alǵan tártipsizdikterdiń toǵyz qatysýshysy eki aıǵa qamaldy. Olardyń barlyǵyna «jappaı tártipsizdik uıymdastyrýǵa qatysqan» degen aıyp taǵyldy.
Aıdar О́risbaev.
Derekkóz: Itar-tass.com
