"Peha" nemese "Grek" laqap atymen esimi ańyzǵa aınalǵan goleodor Qazaqstan fýtbolyn tanymal etýge jáne damytýǵa erekshe úles qosty. Onyń esimi barlyq shynaıy fýtbol súıer qaýymǵa keńinen tanymal. Ásirese, KSRO Joǵary fýtbol qaýymdastyǵynyń múshesi, Qazaqstan fýtbolynyń 1950-1980 jyldardaǵy flagmany bolǵan ol "Qaırat" klýbynyń jankúıerleri úshin este qalarlyq oıynshylardyń biri boldy.
E.Pehlevanıdı Keńes Odaǵy fýtbolynyń Joǵarǵy lıgasy matchtarynyń tarıhynda eń jyldam soǵylǵan goldyń avtory retinde rekord jasady. 1986 jylǵy 3 qyrkúıekte shabýylshy Pehlevanıdı sol kezdegi KSRO chempıony – Kıevtik "Dınamo" qaqpasyna match bastalǵaly ne bary 10 sekýnd ishinde gol soqqan edi.
"Peha" ásem ári etalondyq jeke tehnıka men tamasha oryndalatyn alys soqqylardyń ıesi boldy. Zamanyndaǵy chempıonattardyń eń kórnekti tulǵalarynyń birine aınalǵan búgingi orden ıesi keremet bombardırlik-mergendik qasıetterdi boıyna syıǵyza bildi.
E.Pehlevanıdıdiń sportqa sińirgen eńbegi kópshilikke belgili, alaıda onyń eń mańyzdy qasıeti – "Qaırat" klýbyna berilgendigi edi. Dańq shyńyna shyqqan fýtbolshyny "Dınamo", "SSKA", "Spartak" sııaqty kóptegen ataqty jáne bedeldi klýbtar shaqyrdy, biraq ol qazaqstandyq "Qaıratqa" adaldyǵyn saqtap, usynystardan bas tartty.
"Iá. Men úshin Qazaqstannan artyq oryn joq ekenin árdaıym aıtyp kelemin. Qandaı komandamyz bolǵan edi! Bizben matchtarǵa kelýge klýbtar qorqatyn. О́z alańymyz "Sentralnyıdaǵy" jekpe-jekterde barlyq qarsylastardy jeńdik. Al bizge qarsy qandaı kúshti komandalar shyqqan edi!", dep "Qaırat" ardageri óz estelikterimen bólisti.
Qazaqstannyń Grekııadaǵy Elshisi Alekseı Volkov ordendi tabystaı otyryp, el basshylyǵynyń E.Pehlevanıdıdiń qazaqstandyq sportty nasıhattaýǵa qosqan úlesin joǵary baǵalaıtynyn atap ótti.
"Grekııada turyp, Siz Qazaqstannyń sporttyq jetistikterin kópshilikke nasıhattaýdasyz, fýtbol federasııasynyń is-sharalaryna, Elshiliktiń mádenı-buqaralyq qyzmetine belsene qatysasyz. Eńbegińiz "Qaırattyń" fýtbol akademııasynyń ashylýymen atap ótildi. Siz klýbtyń ár oıyny týraly habardar bolyp, keńes berip, jastarmen óz tájirıbeńizben bólisesiz", dep A.Volkov óz sózin túıindedi.
