Osyǵan oraı oblys ákimi О́mirzaq Shókeev aptalyq májiliste barlyq jaýapty basshylarǵa halyq kóp tutynatyn taýarlardyń baǵasyn turaqtandyrýdy tapsyrdy. Mamandar eldegi tótenshe jaǵdaı jáne uzartylǵan karantındik sharalar kezeńinde saýda nysandarynyń qyzmetin toqtata turýy teńge baǵamynyń tómendeýin, halyq tarapynan suranysty shektep taýarlar baǵasynyń ósýine alyp kelgenin aıtady. Sol sebepten aýdandardaǵy egistik alqaptarda pııaz ben sábiz sekildi maýsymdyq kókónis túrlerin kóptep egý usynyldy.
О́ńirde áleýmettik suranystaǵy 19 túrli azyq-túlik taýarlarynyń baǵasy baqylaýǵa alynǵan. Baǵany turaqty saqtaý úshin oblystyq turaqtandyrý qory saýda ortalyqtaryna taýarlardy jetkizip otyr. Bazardaǵy azyq-túlik baǵalarynyń qubylyp turatynyn eskergen oblys basshylyǵy kásipkerlermen áleýmettik mańyzy bar azyq-túlik taýarlarynyń baǵasyn negizsiz kótermeý jóninde jıyn ótkizip, ortaq kelisimge kelgen. Arnaıy mobıldi top baǵany kúndelikti baqylaýda. О́ńirlik turaqtandyrý qory arqyly baǵa suratý tásilimen qosymsha 403,4 tonna azyq-túlik taýarlary satyp alynǵan.
