"Prezıdent tapsyrmasymen halyqtyń áleýmettik osal toptary úshin qaryz júktemesin azaıtý boıynsha teńdessiz qadamdar júzege asyryldy. Tıisti sharalar qabyldanyp, tutynýshylyq nesıeleý naryǵyndaǵy táýekelderdi tómendetýge jaǵdaı jasaldy. Degenmen bul salada problemalar áli de bar. Bul jaıynda Memleket basshysy bıylǵy qyrkúıekte jarııalaǵan Joldaýynda aıtqan bolatyn", dedi Májilis depýtaty Albert Raý.
Birinshi kredıttik bıýronyń málimetinshe, 2020 jylǵy 1 qarashadaǵy jaǵdaı boıynsha mıroqarjy uıymdarynda mıkronesıeler 170 myń kásipkerge jáne 810 myń jeke tulǵaǵa tıesili. Jekelegen nesıeler boıynsha qaryz alýshylardyń 38 paıyzy tólem merzimin ótkizip alǵan, osy oraıda 300 myńǵa jýyq adam qamtylǵan.
"Azamattardy qorǵaýdyń qosymsha tetikterin engizý maqsatynda depýtattar mıkroqarjylyq jáne kollektorlyq qyzmetti retteý boıynsha zań jobasyn ázirledi", dedi depýtat. Zań jobasynda kollektorlyq agenttikter jaýapkershiligin arttyrý qarastyrylǵan. Bul agenttikterge talaptardy qaıta qaraýǵa olardyń qyzmetine qatysty shaǵymdardyń kóp bolýy sebep.
