"Qazaqstannyń memlekettik organdary jergilikti naryqqa iri sheteldik reteılerler kelgennen keıin jaǵdaıdyń nege aparyp soǵatynyn umytpaýy kerek. Sondyqtan olar EAEO seriktesterimen ózara yntymaqtastyqqa nazar aýdarǵany jón. Investısııa tartý kezinde Qazaqstanǵa naqty qandaı ınvestısııa keletinin, qaı sektorǵa keletinin, ol jergilikti oıynshylardy qanshalyqty kúsheıte alatynyn bilý kerek. О́ıtkeni bizdiń óndirýshiler áli aıaqtan turyp ketken joq", – deıdi Osmanov.
Onyń aıtýynsha, dál qazir «Pıaterochka», «Perekrestok» jáne «Karýsel» ónimderin shyǵarýmen aınalysatyn reseılik X5 Retail Group kompanııasy Qazaqstan naryǵyna kirýge talaptanyp jatyr. Sheteldik kompanııalardyń kelýi jaqsy. Biraq otandyq óndirýshilerdi kórsek tipti jaqsy bolar edi deıdi Osmanov.
"Qazir TOP-3 reseılik reteılerler 6-6,5 paıyzen oblıgasııalar shyǵarýda. Qazaqstandyq reteılerlermen salystyrǵanda olardyń saýda núktesin ashý prosesi óte jyldam. Sonymen qatar ekonomıka masshtaby da múlde basqasha. Bul oraıda qazaqstandyq jeliler jergilikti óndirýshilerge saýda oryndarynyń kem degende 30 paıyzyn usynýǵa mindetti", – dedi ol.
Qysqasy, Magnum Cash&Carry basshysynyń sózinshe, reseılik kompanııalardyń kelýine baılanysty úkimet jergilikti óndirýshilerdi qoldaýdy kúrt arttyrýy tıis. Áıtpese, ahýal qıyndaı túspek. Sondaı-aq basqarýshy karantın áserinen Magnum-nyń ortasha chegi mólsheriniń tómendep ketkenin, qazaqstandyqtardyń tólem qabileti 20 paıyzǵa deıin azaıǵanyn (olardyń baǵalaýynsha) aıtady. Tıisinshe, tólem qabileti aldaǵy bir jarym jylda da qalpyna kele qoımaıdy.
Eske salsaq, osyǵan deıin Azamat Osmanov YouTube jelisinde Magnum kompanııasynyń kóktemgi daǵdarysty qalaı ótkergenin, kompanııa jumysy qalaı ózgergenin aıtyp ótken bolatyn.
"Bizdiń kompanııa tutynýshylardyń 80 paıyzyn ónimmen qamtamasyz etip otyr. Pandemııa kezinde álem boıynsha eshbir azyq-túlik ónimin satatyn dúkender jabylǵan joq. Biz de karantın ýaqytynda úzdiksiz jumys istedik. Bul jaǵynan basqa salalardaǵy bızneske qaraǵanda bizde artyqshylyq boldy. Bul rette 2017 jyly qabyldaǵan strategııamyz erekshe ról oınady. Shyn máninde eshkim de mundaı jaǵdaıǵa daıyn bolǵan joq. Biraq jaǵdaıdyń az ýaqyt ishinde shıryǵyp ketýi birqatar prosesterdi jyldam eńserýge áserin tıgizdi", – deıdi Osmanov.
Karantınge kompanııa daıyn bolǵan. Arnaıy shtab ta qurylǵan. «Árıne, asa qatty joǵaltýlar da boldy. Biraq dál qazirgi kezdegi áli de jalǵasyp jatqan qıyndyqtarǵa baılanysty kelgen joǵaltýdy baǵalaý múmkin emes» deıdi spıker.
