Onyń aıtýynsha, turǵyndar ózin jaısyz sezingen jaǵdaıda tirkelgen emhanaǵa qońyraý shalyp, mobıldi brıgadany shaqyrta alady. Arnaıy top qaýipti vırýstyń belgileri jáne pnevmonııa belgileri bar turǵyndar men sozylmaly aýrýlary bar naýqastarǵa úıden qyzmet kórsetedi. Sondaı-aq júkti áıelder men balalarǵa patronaj júrgizedi.
«Mańǵystaý oblysy boıynsha 412 ınfeksııalyq tósek oryn bar. Qosymsha reanımasııalyq 54 tósek oryn jasaqtaldy. Al rezervte 2 452 tósek oryn daıyn tur. О́ńirdegi epıdemıologııalyq jaǵdaı nasharlaǵan kezde qoldanylatyn bolady», - dedi Lázzat Esenǵalıeva.
Aıta keteıik, 9 jeltoqsan kúni óńirde «Covid-19» ınfeksııasyn juqtyrǵan 9 adam tirkeldi. Onyń 7-i buryn-sondy indetti juqtyrǵan adamdarmen jaqyn qarym-qatynasta bolǵan.
