Túrkistan oblysynda 6 laýazymdy tulǵaǵa qatysty shara qoldanyldy, olar: bilim bólimderiniń basshylary, bas býhgalterler jáne ekonomıster.
Jambyl oblysynda 5 laýazymdy tulǵa jazalandy.
Qaraǵandy oblysynda bilim bóliminiń bas býhgalteri, Pavlodar jáne Aqmola oblystarynda bilim bólimderiniń bas ekonomısteri de tártiptik jaýapkershilikke tartyldy.
Sonymen qatar, Qostanaı oblysynda ınklıýzıvti synyptarda ótkizgen sabaqtary úshin pedagogterdiń eńbekaqysyn tólemeý faktisi anyqtaldy. Oblystyq Bilim salasynda sapany qamtamasyz etý departamenti men Eńbek jónindegi ınspeksııa basqarmasynyń birlesken jumysynyń nátıjesinde bilim bóliminiń basshysyna qatysty ákimshilik hattama toltyryldy. Qazirgi ýaqytta óńirde muǵalimder aldyndaǵy qaryz tolyq óteldi.
Pedagogterdiń eńbekaqylaryn ýaqtyly tólemeý faktilerine jol bermeý maqsatynda Bilim jáne ǵylym salasynda sapany qamtamasyz etý komıteti oblys jáne aýdan ákimderine jáne QR Eńbek jáne áleýmettik qorǵaý mınıstrliginiń óńirlik eńbek jónindegi ınspeksııalaryna tıisti hattar joldady.
