Sharaǵa sıfrlyq damý, ınnovasııalar jáne aeroǵarysh ónerkásibi mınıstri B. Mýsın, Qor men portfeldik kompanııalardyń top-menedjerleri qatysty.
Taraptar Qordy jáne Qazaqstan Respýblıkasyn sıfrlandyrýdyń jańartylǵan tásilderin talqylady, sondaı-aq «Samuryq-Qazyna» sıfrlyq transformasııalaý baǵdarlamasyn iske asyrý nátıjelerimen tanysty.
Qazirgi tańda «Samuryq-Qazyna» sıfrlyq transformasııa baǵdarlamasynyń portfeli 71 jobadan turady. Sonymen qatar bıyl jańa ıdeıalardy únemi izdestirý prosesi iske qosyldy — 250 jańa ıdeıa jınaldy, olardyń 16-sy jobalarǵa aýystyryldy. Úkimet basshysy Qazaqstannyń BUU reıtınginde «elektrondy úkimettiń» damý deńgeıi boıynsha 30 ozyq eldiń qataryna kirgeniniń mańyzdylyǵyn atap ótti.
Bıýdjet salasynda sıfrlyq tehnologııalardyń bir ǵana túrin — elektrondyq shot-faktýralar júıesin engizý esebinen Qarjy mınıstrligi bıýdjetke túsetin túsimderdi 400 mlrd teńgege arttyrdy.
Asqar Mamın salyqtyq ákimshilendirý, bilim berý, memlekettiń azamattarmen jáne bıznespen ózara is-qımyly salalaryna jasandy zerde men Big Data tehnologııalaryn engizý qajet ekenin atap ótti. Premer-Mınıstr Qazaqstanda biryńǵaı sáıkestendirý ortalyǵy qurylatynyn, ol halyqqa jáne bızneske qujattar men anyqtamalardy qajet etpeı-aq, memlekettik jáne kommersııalyq uıymdarmen jumys isteýge jol ashatynyn atap ótti. Búginde memlekettik organdardyń bıznes-úderisterin reınjınırıngteý ortalyǵy óz jumysyn bastady.
Premer-Mınıstr bolashaqtyń sıfrlyq ekonomıkasyn damytýda sapaly «serpilisti» júzege asyrýdyń jáne QR-da platformalyq modelge kóshýdiń mańyzdylyǵyn atap ótti. Úkimet basshysy baılanys ınfraqurylymyn damytý aıasynda aýyldardy optıkalyq baılanys jelilerimen jáne mobıldi ınternetpen qamtamasyz etý boıynsha jumystar júrgizilip jatqanyn atap ótti. Jańa órshil MJÁ jobasy — agro jáne ónerkásiptik kásiporyndar úshin 50 mlrd teńge ınvestısııa kólemimen baılanysty qamtamasyz etý qolǵa alyndy. Atalǵan ınvestısııalar 100 mln gektardan astam jerdi baılanyspen qamtýǵa múmkindik beredi, bul ónimdiliktiń 20%-ǵa artýyna jáne shyǵyndardyń 15%-ǵa qysqarýyna ákeledi.
A. Mamınge «Samuryq-Qazyna» UÁQ» AQ sıfrlyq transformasııalaý baǵdarlamasyn iske asyrý, onyń ishinde munaı óńdeý, temirjol, atom jáne basqa da QR ekonomıkasynyń salalarynyń kásiporyndaryn sıfrlandyrý nátıjeleri týraly baıandaldy.
«Samuryq-Qazyna» UÁQ» AQ basqarma tóraǵasy Ahmetjan Esimov qordyń sıfrlyq transformasııalaý baǵdarlamasyn iske asyrýdyń taza paıdasy 128 mlrd teńgeni quraǵanyn habarlady. Qordyń sıfrlyq transformasııaǵa jańa tásilderi óndiristik prosesterdi jaqsartýǵa nazar aýdara otyryp, strategııalyq PÁK-ge qol jetkizýdi jáne óndiristegi túıindi júıeli problemalardy sheshýdi kózdeıdi. Munaı óńdeý zaýyttaryn sıfrlandyrýdyń nátıjeleri sátti mysal retinde keltirildi. AMО́Z jáne PMО́Z jabdyqtaryna tehnologııalyq qyzmet kórsetý jáne jóndeý júıesin ózgertý 3 jyldyq jóndeý aralyq kezeńge qol jetkizýge múmkindik berdi. 2019-2020 jyldardaǵy paıda 3,5 mlrd teńgeni qurady. «Qazatomónerkásip» UAK» AQ enshiles uıymy «Inkaı» JShS-ynda prosesterdi sıfrlandyrý jóndeýge jumsalatyn ýaqytty 5%-ǵa deıin qysqartýǵa, personaldyń kinásinen jabdyqtyń isten shyǵýyn 15%-ǵa deıin tómendetýge, jabdyqtyń jumyssyz turyp qalý ýaqytyn 9%-ǵa deıin qysqartýǵa múmkindik berdi.
«KEGOC» AQ Biryńǵaı elektr energetıkalyq júıe rejımderin basqarýdy avtomattandyrdy, «Qazaqstan Temir Joly» aqaýlardy ýaqytyly joıýǵa arnalǵan jańa mobıldi dıagnostıkalyq keshenderdi iske qosty, «QazMunaıGaz» «Zııatkerlik ken orny» tujyrymdamasyn iske asyrdy. Qor sondaı-aq talantty jastarǵa arnalǵan «Jas О́rken» jáne «Sıfrlyq jaz» baǵdarlamalaryn iske qosty, olar boıynsha qazirgi ýaqytta 113 jas maman jumysqa ornalastyryldy.
Bul baǵdarlamalar qazaqstandyq joǵary oqý oryndarynyń bakalavrıat jáne magıstratýra stýdentteriniń 2 aılyq taǵylymdamadan ótý múmkindigin, al túlekterdiń odan ári bos jumys oryndaryna irikteýmen «Samuryq-Qazyna» UÁQ» AQ portfeldik kompanııalarynda 20 aılyq aqyly taǵylymdamadan ótý múmkindigin kózdeıdi.
