Isti júrgizý barysynda Bek Air AQ-nyń jaýapker Reshet Qalybekke jáne úshinshi tulǵalarǵa: "Talǵar aýdanynyń jer qatynastary bólimi" memlekettik mekemesine, Talǵar aýdanynyń sáýlet jáne qala qurylysy bólimine, Talǵar aýdanynyń ádilet basqarmasyna, Talǵar aýdanynyń qurylys bólimine qatysty aryzy boıynsha azamattyq isti qarady. Turǵyn úıdi óz betimen salý – "Qazaqstannyń sáýlet-qurylys qyzmeti" týraly zań talaptaryn buzyp salynǵan úıge qatysty aryz boıynsha. Sot Bek Air AQ-nyń jaýapker Reshet Qalybek pen úshinshi tulǵalarǵa qatysty aryzyn qaraýsyz qaldyrdy. Sottyń qaýlysy zańdy kúshine enbedi", dedi sýdıa Qarlyǵash Esalınova.
Sýdıa aryzdy qaraýsyz qaldyrý týraly sheshimniń sebebin de aıtyp ótti.
"Bas kólik prokýratýrasynyń Talǵar aýdandyq sotynyń saýalyna bergen jaýabyna sáıkes, joǵaryda atalǵan qylmystyq is boıynsha prosessýaldyq sheshim qabyldanbaǵan, kináli adamdar anyqtalmaǵan, aıyp taǵylmaǵan, Bek Air AQ-nyń prosessýaldyq jaǵdaıy belgilenbegen. Osyǵan baılanysty Azamattyq prosestik kodekstiń 279-baby 1-tarmaqshasynyń negizinde, eger talapker osy sanattaǵy ister úshin zańnamada belgilengen daýdy sotqa deıin retteý tártibin nemese kelisimshartta kózdelgen daýdy sotqa deıin retteý tártibin saqtamasa jáne bul tártipti qoldaný múmkindigi joǵalmasa, onda sot aryzdy qaraýsyz qaldyrylady", dedi sýdıa.
Eske sala keteıik, Bek Air ushaǵy byltyr 27 jeltoqsanda tańǵy ýaqytta apatqa ushyrap, barsha qazaqstandyqtaryn júregi qamyqqan edi. Laıner Almatydan Nur-Sultanǵa ushyp shyqqan bette quldılap, áýejaı qorshaýynan asyp, úıge soǵyldy. Ushaq bortynda 93 jolaýshy men ekıpajdyń 5 múshesi bolǵan. Apat saldarynan 12 adam qaza tapqan.
