Sanıtarııalyq-epıdemıologııalyq baqylaý komıtetiniń habarlaýynsha, ótken táýlikte Qazaqstan aýmaǵyna Germanııa, Maldıv Respýblıkasy, Egıpet, BAÁ, Túrkııa, Ýkraına, RF, Belarýs Respýblıkasy jáne О́zbekstannan 21 halyqaralyq áýe reısi kelgen. 1 668 áýe jolaýshysynyń ishinde PTR-testileýdiń teris nátıjesi bar anyqtamamen 1 530 adam, anyqtamasyz 138 adam - QR azamaty kelgen.
"Anyqtamasyz kelgen Qazaqstan azamattary kelgen jeri boıynsha karantındik stasıonarlarǵa ornalastyrylyp, PTR-taldaý ádisimen COVID-19-ǵa test tapsyrdy. Barlyq 139 azamattyń test synamalary teris nátıje kórsetti. Bir kún buryn, 2020 jyldyń 9 jeltoqsanynda anyqtamasyz kelgen 115 adamnyń PTR synamalary da teris nátıje kórsetti", delingen habarlamada.
Sondaı-aq Tashkent qalasynan ushyp kelgen О́zbekstan azamaty, COVID-19 testinen ótý týraly merzimi ótken anyqtamany usynýyna baılanysty Nur-Sultan qalasynyń áýejaıynan deportasııalandy.
