2013 jylǵy 16 qyrkúıek, Astana, Úkimet Úıi
Jalpyǵa ortaq paıdalanylatyn halyqaralyq jáne respýblıkalyq
mańyzy bar avtomobıl joldaryn salý men rekonstrýksııalaý jónindegi jáne oblystyq jáne aýdandyq mańyzy bar avtomobıl joldaryn salý, rekonstrýksııalaý, sondaı-aq kúrdeli jáne ortasha jóndeý jónindegi jobalardyń basymdyǵy krıterıılerin bekitý týraly
«Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańy 11-babynyń 8-4) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jalpyǵa ortaq paıdalanylatyn halyqaralyq jáne respýblıkalyq mańyzy bar avtomobıl joldaryn salý men rekonstrýksııalaý jónindegi jáne oblystyq jáne aýdandyq mańyzy bar avtomobıl joldaryn salý, rekonstrýksııalaý, sondaı-aq kúrdeli jáne ortasha jóndeý jónindegi jobalardyń basymdyǵy krıterııleri bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylgy 16 qyrkúıektegi
№971 qaýlysymen bekitilgen
Jalpyǵa ortaq paıdalanylatyn halyqaralyq jáne respýblıkalyq
mańyzy bar avtomobıl joldaryn salý men rekonstrýksııalaý jónindegi jáne oblystyq jáne aýdandyq mańyzy bar avtomobıl joldaryn salý, rekonstrýksııalaý, sondaı-aq kúrdeli jáne ortasha jóndeý jónindegi jobalardyń basymdyǵy krıterııleri
1. Osy Jalpyǵa ortaq paıdalanylatyn halyqaralyq jáne respýblıkalyq mańyzy bar avtomobıl joldaryn salý men rekonstrýksııalaý jónindegi jáne oblystyq jáne aýdandyq mańyzy bar avtomobıl joldaryn salý, rekonstrýksııalaý, sondaı-aq kúrdeli jáne ortasha jóndeý jónindegi jobalardyń basymdyǵy krıterııleri «Avtomobıl joldary týraly» 2001 jylǵy 17 shildedegi Qazaqstan Respýblıkasynyń Zańy 11-babynyń 8-4) tarmaqshasyna sáıkes ázirlendi.
2. Jalpyǵa ortaq paıdalanylatyn halyqaralyq jáne respýblıkalyq mańyzy bar avtomobıl joldaryn salý men rekonstrýksııalaý jónindegi jobalardyń basymdylyǵy tómendeı beretin deńgeıler boıynsha mynadaı krıterıılerge sáıkes aıqyndalady:
1) Qazaqstan Respýblıkasy Prezıdentiniń jyl saıynǵy Qazaqstan halqyna eldegi jaǵdaı jáne Respýblıkanyń ishki jáne syrtqy saıasatynyń negizgi baǵyttary týraly aýyzsha ne jazbasha joldaýlary sheńberindegi tapsyrmalarynda, Qazaqstan Respýblıkasy Prezıdentiniń nemese Qazaqstan Respýblıkasy Úkimetiniń sheshimderimen bekitilgen strategııalyq jáne baǵdarlamalyq qujattarda aıqyndalǵan jobalar;
2) Qazaqstan Respýblıkasy qatysýshy bolyp tabylatyn halyqaralyq sharttarda aıqyndalǵan jobalar;
3) jalpyǵa ortaq paıdalanylatyn halyqaralyq mańyzy bar avtomobıl joldary;
4) geometrııalyq (tehnıkalyq sanatqa) jáne tehnıkalyq parametrlerge jaýap bermeıtin avtomobıl joldary;
5) irgeles eldi mekenderge qatysty balamasy joq avtomobıl joldary;
6) Temirjoldarǵa jaqyn jerden shyǵa almaıtyn eldi mekenderge irgeles avtomobıl joldary.
3. Oblystyq jáne aýdandyq mańyzy bar avtomobıl joldaryn salý, rekonstrýksııalaý, sondaı-aq kúrdeli jáne ortasha jóndeý jónindegi jobalardyń basymdyǵy tómendeı beretin deńgeıler boıynsha mynadaı krıterıılerge sáıkes aıqyndalady:
1) salý jáne rekonstrýksııalaý jobalaryn josparlaǵan kezde:
Qazaqstan Respýblıkasy Prezıdentiniń jyl saıynǵy Qazaqstan halqyna
eldegi jaǵdaı jáne Respýblıkanyń ishki jáne syrtqy saıasatynyń negizgi baǵyttary týraly aýyzsha ne jazbasha joldaýlary sheńberindegi tapsyrmalarynda, Qazaqstan Respýblıkasy Prezıdentiniń nemese Qazaqstan Respýblıkasy Úkimetiniń sheshimderimen bekitilgen strategııalyq jáne baǵdarlamalyq qujattarda aıqyndalǵan jobalar;
Qazaqstan Respýblıkasy qatysýshy bolyp tabylatyn halyqaralyq sharttarda aıqyndalǵan jobalar;
tehnıkalyq sanaty qozǵalystyń naqty qarqyndylyǵyna sáıkes kelmeıtin jaǵdaıda Qazaqstan Respýblıkasynyń aýdan ortalyqtarynyń oblys ortalyqtarymen, aýdan ortalyqtarynyń ózara qatynasyn qamtamasyz etetin avtomobıl joldary;
turǵyndardyń jalpy sany keminde 15 000 adam bolatyn eldi mekenderge irgeles avtomobıl joldary;
jol boıynda 100 adamnan asatyn jumysshy personaly bar keminde eki óndiristik (ónerkásiptik, aýyl sharýashylyǵy) nemese astyq qabyldaý kásiporyndary bar avtomobıl joldary;
2) kúrdeli jóndeý jobalaryn josparlaǵan kezde:
Qazaqstan Respýblıkasynyń aýdan ortalyqtarynyń oblys ortylyqtarymen, aýdan ortalyqtarynyń ózara qatynasyn qamtamasyz etetin avtomobıl joldary;
turǵyndardyń jalpy sany keminde 10 000 adam bolatyn eldi mekenderge irgeles avtomobıl joldary;
jol boıynda 50 adamnan asatyn jumysshy personaly bar óndiristik (ónerkásiptik, aýyl sharýashylyǵy) nemese astyq qabyldaý kásiporyndary bar avtomobıl joldary;
joldyń jóndeý aralyǵy qyzmeti merziminen 15 jyldan asatyn avtomobıl joldary;
3) ortasha jóndeý jobalaryn josparlaǵan kezde:
Qazaqstan Respýblıkasynyń aýdan ortalyqtarynyń oblys ortalyqtarymen, aýdan ortalyqtarynyń ózara qatynasyn qamtamasyz etetin avtomobıl joldary;
turǵyndardyń jalpy sany keminde 5 000 adam bolatyn eldi mekenderge irgeles avtomobıl joldary;
jol jamylǵysynyń jóndeý aralyǵy qyzmeti merziminen 5 jyldan asatyn avtomobıl joldary.
