Búgin Almaty qalasy ákiminiń orynbasary Erjan Babaqumarovtyń tóraǵalyǵymen qalalyq bilim bóliminiń bastyǵy Lıazzat Jylqybaevanyń, aýdandyq bilim bólimderi basshylylarynyń, sondaı-aq «Respýblıkalyq jeke bilim berý uıymdarynyń qaýymdastyǵy» zańdy tulǵalar birlestiginiń tóraıymy Roza Sadyqovanyń qatysýymen onlaın-jumys kezdesýi ótti.
Buǵan deıin Almaty ákimdigi megapolıs ákimi Baqytjan Saǵyntaevtyń tapsyrmasy boıynsha memlekettik bıýdjettik tapsyryspen jeke mektepke deıingi uıymdarda balalardy tamaqtandyrý qunyn sýbsıdııalaýdy jergilikti bıýdjet arqyly iske asyrý týraly bastama kótergen bolatyn. Bul bastamany Qazaqstan Respýblıkasy Bilim jáne ǵylym mınıstrligi qoldady.
Negizgi maqsat — ata-analardyń jekemenshik balabaqshalarda balalardy tamaqtandyrý shyǵyndaryn sýbsıdııalaý arqyly almatylyq balalardy mektepke deıingi tárbıemen qamtýdy keńeıtý. Bul óz kezeginde júktemeni azaıtyp, memlekettik balabaqshalardaǵy oryn tapshylyǵyn sheshýge múmkindik beredi.
Atap aıtqanda, memlekettik bilim berý tapsyrysy berilgen jeke balabaqshalarda tárbıelenýshiniń jasyna qaramastan, jergilikti bıýdjetten tamaqtanýdyń 100% qunyn óteý josparlanyp otyr.
Semınar barysynda sýbsıdııalanatyn jeke mektepke deıingi uıymdardy tańdaýdyń usynylǵan ólshemderi egjeı-tegjeıli talqylandy.
Onlaın-otyrystyń nátıjesinde ákimniń orynbasary Erjan Babaqumarov balalardy mektepke deıingi tárbıemen qamtý máselesiniń mańyzdylyǵyn atap ótip, sýbsıdııalaý mehanızminiń usynylatyn ólshemderin jeke sektormen jáne jeke bilim berý uıymdarynyń qaýymdastyǵymen talqylaýdy tapsyrdy. «Qala ákimi B.Saǵyntaevtyń ókimi – balabaqshalardaǵy kezektiń aıtarlyqtaı tómendeýine jaǵdaı jasaý. Bul áleýmettik mańyzdy másele. Sýbsıdııalanatyn jeke mektepke deıingi uıymdardy tańdaý krıterıılerin jeke sektormen talqylaý kerek», – deı kele Erjan Babaqumarov jáne mektepke deıingi bilim berý qyzmetteriniń osy segmentinde jumys jasaıtyn kásipkerlerdi belsendi yntymaqtastyqqa jáne sýbsıdııalaý mehanızmine qatysýǵa shaqyrdy.
