A.Qońyrovtyń aıtýynsha, Qazaqstan kommýnıstik halyq partııasy jýyrda óz ataýyn ózgertip, budan bylaı Qazaqstan Halyq partııasy dep atalady. Alaıda partııa burynǵy ustanymdarynan, buǵan deıingi baǵytynan aınyǵan joq. Tek aldaǵy josparlary men damý dańǵylyn ǵana aıqyndap alǵanǵa uqsaıdy. Iаǵnı Qazaqstan Halyq partııasy eldiń saıasatyn áleýmettik baǵytqa burǵan.
Partııa tóraǵasynyń aıtýynsha, partııa URANkz respýblıkalyq qoǵamdyq birlestigimen áriptestik ornatqan. Máselen, partııa músheleri atalǵan birlestikpen birge «Qyzyl avtobýs» aksııasynyń sheńberinde Atyraý, Soltústik Qazaqstan jáne Aqtóbe oblystarynda bolyp, «Eńbek» baǵdarlamasy aıasynda salynyp jatqan turǵyn úılerdiń qurylysymen tanysypty. Sondaı-aq partııa ókilderi osy oblystaǵy keıbir aýdandar men aýyldardy aralap, áleýmettik máselelerge de mán bergen.
Nur-Sultan
