«Eger aýdandar bólip alatyn bolsaq, Baıqońyr aýdany boıynsha - 46 qoǵamdyq tamaqtaný obektisi, Esil aýdany boıynsha - 21, Saryarqa aýdany boıynsha - 30 qoǵamdyq tamaqtaný obektisi, Almaty aýdany boıynsha - 28 qoǵamdyq tamaqtaný obektisi jáne tórt jataqhana. Mysaly, Shubar shaǵyn aýdanynda - «Jıraf», «Djekı Chan», «Saıanur» bazarynda, «Artem»saýda úıi boıynsha jumystar júrgizildi. 147 nysannyń shamamen 30% -y elektr energııasyna kóshti», – dep atap ótti brıfıngte Nur-Sultan qalasynyń turǵyn úı jáne turǵyn úı ınspeksııasy basqarma basshysynyń orynbasary Darhan Qulbaev.
Sonymen qatar azamattar talap buzý faktisin kórsete otyryp, jazbasha ótinish bergen jaǵdaıda, turǵyn úı ınspeksııasynyń qyzmetkerleri ákimshilik sharalar qoldana otyryp, QR Kásipkerlik kodeksine sáıkes tekserý sharalaryn uıymdastyratyn bolady. Gazdy paıdalaný, gazben jabdyqtaý júıeleri obektilerin paıdalaný qaýipsizdigi jónindegi talaptardy buzǵany úshin:
jeke tulǵalarǵa – 7 AEK,
shaǵyn kásipkerlik sýbektilerge – 10 AEK;
orta kásipkerlik sýbektilerge – 15 AEK;
iri kásipkerlik sýbektilerge – 20 AEK kóleminde aıyppul salynady.
Esterińizge sala keteıik, 21 qarashada Nur-Sultandaǵy kafelerdiń birinde gaz ballony jarylǵannan keıin, elorda ákimi turmystyq jáne kommýnaldyq-turmystyq tutynýshylardy gazben jabdyqtaý júıelerin qaýipsiz paıdalaný talaptaryn saqtaý úshin vedomstvoaralyq jumys tobyn qurýdy tapsyrdy. Oǵan barlyq múddeli memlekettik organdar men quqyq qorǵaý qyzmeti engizildi. Osy baǵyt boıynsha jumys turaqty júrgizilip keledi.
