Kezdesý barysynda sybaılas jemqorlyqqa qarsy kúres vedomstvosynyń basshysy suhbattasýshyny sybaılas jemqorlyqqa qarsy saıasattyń sońǵy ózgeristerimen tanystyryp, zańnamalyq novellalar men saıası jańǵyrtý sharalaryna basa nazar aýdardy.
Spıker jańa aldyn alý ınstıtýttaryn iske asyrýdyń alǵashqy nátıjeleri týraly egjeı-tegjeıli aıtyp berdi. Olardyń ishinde birinshi basshylardyń otstavkaǵa ketýi, NQA-nyń sybaılas jemqorlyqqa qarsy saraptamasy, sybaılas jemqorlyq quqyq buzýshylyqtar týraly habarlaǵany úshin azamattardy kótermeleýdiń saralanǵan júıesi, komplaens-qyzmetter ınstıtýtyn engizý, sybaılas jemqorlyq qylmystar sýbektilerin keńeıtý, kvazımemlekettik sektor basshylarynyń sybaılas jemqorlyqqa jáne múddeler qaqtyǵysyna qarsy is-qımyl boıynsha sharalar qabyldamaǵany úshin jaýaptylyǵy atap ótildi.
Agenttik tóraǵasy halyqaralyq uıymdardyń, sonyń ishinde IHS Markit usynymdarynyń oryndalýyna erekshe nazar aýdardy. Atap aıtqanda, sybaılas jemqorlyq úshin sottalǵandar úshin merziminen buryn shartty túrde bosatýdyń kúshin joıý, quqyq qorǵaý jáne sot organdary qyzmetkerleriniń jaýapkershiligin qatańdatý, múddeler qaqtyǵysynyń aldyn alý boıynsha shekteýlerdi keńeıtý jáne sheteldik bankterdegi shottardy ıelenýge tyıym salý, sondaı-aq bıznesti qorǵaýdy kúsheıtý atap ótildi.
Kezdesý sońynda taraptar ortaq maqsattarǵa tabysty qol jetkizý úshin dıalogty jalǵastyrýǵa nıet bildirdi.
