Joba sheńberinde ata-analarǵa pedagogıkalyq quzyrettilikti jáne otbasylyq tárbıeni jetildirý, 8-11 synyp oqýshylary, orta bilim berý mekemeleri men joǵary oqý oryndarynyń stýdentteri arasynda qaýipsiz minez-qulyq mádenıetin qalyptastyrý, zorlyq-zombylyqtyń aldyn-alý jáne olardyń arasynda sýısıdtiń aldyn-alý boıynsha trenıngter uıymdastyryldy.
«Bizdiń basty maqsatymyz - elimizdiń bolashaǵy jastardy durys baǵytta tárbıeleý, jastar arasynda sýısıdtiń aldyn alý, qoǵamǵa osy máselelerdiń mańyzdylyǵy týraly bilim berý jáne qajetti aqparat berý. Jobanyń maqsatty aýdıtorııasy jastar men jasóspirimder ekendigine qaramastan, biz birqatar is-sharalar sheńberinde ata-analarmen onlaın-trenıngter ótkizdik, sondyqtan, eń aldymen, olar óz otbasylaryndaǵy jastarǵa basshylyq jasaıdy jáne qoldaıdy», - dedi «Astana jastary» KMM basshysynyń orynbasary Aıan Ermentaev.
Mektep oqýshylarynyń, joǵary oqý oryndary men kolledjderdiń stýdentteriniń bos ýaqytyn uıymdastyrý maqsatynda plogıngter; qar shyǵarý jumystary júrgiziledi. Internet keńistiginde eldiń tanymal sportshylary, jastary men eriktileri arasynda sporttyq chellendj bastaldy. Chellendjdi Qazaqstandaǵy «Street workout» qozǵalysynyń negizin qalaýshy Aıtym Jaqypov pen paralımpıadashy, voleıboldan Qazaqstan jastar quramasynyń eks-kapıtany Serik Esmatov bastady.
«Statıstıka sýısıdke jaqyn jastardyń bos ýaqytynda qatty kúızeliske ushyrap, túrli oılarǵa batatyndyǵyn kórsetedi. Osyndaı jaǵdaılardy boldyrmaý jáne jastardyń bos ýaqytyn tıimdi ótkizýi úshin, chellendj kezinde ár sportshy jastardy tartý maqsatynda óz sportynyń shaǵyn prezentasııasy retinde beınerolık túsirdi», - delingen habarlamada.
Sondaı-aq shara barysynda beınerolıkter baıqaýy ótkizildi. Qazylar alqasynyń sheshimimen 3 úzdik joba tańdaldy, olardyń jeńimpazdary «Astana Jastary» KMM Instagram-daǵy @astana_jastary resmı paraqshasynda daýys berý arqyly anyqtaldy. Baıqaý jeńimpazdary syılyqtarmen marapattaldy.
Is-sharalar keshenin qorytyndylaý jáne baıqaý jeńimpazdaryn marapattaý 14 jeltoqsanda ótti. Saltanatty sharanyń qonaqtary praktıkalyq psıholog, sýısıdolog, psıhoterapevt, Qazaqstan Psıhologtar Odaǵynyń múshesi, «Atameken» UKP «Bastaý Bıznes» psıhology Natalıa Sychýgova jáne Qazaqstandaǵy «Street workout» qozǵalysynyń negizin qalaýshy Aıtym Jaqypov, sonymen qatar PD JPQB ıývenaldy polısııa bóliminiń basshysy Nellıa Nýrýllaevna qatysty.
