«Atameken» UKP basqarma tóraǵasy Abylaı Myrzahmetov, ulttyq ekonomıka mınıstri Rýslan Dálenov, ındýstrııa jáne ınfraqurylymdyq damý mınıstri Beıbit Atamqulov, qarjy birinshi vıse-mınıstri Berik Sholpanqulov, Qaraǵandy oblysynyń ákimi Jeńis Qasymbek, Mańǵystaý oblysynyń ákimi Serikbaı Trumov, Atyraý oblysynyń ákimi Mahambet Dosmuhambetov, Premer-Mınıstrdiń orynbasary Roman Sklıar baıandama jasady.
«Qarapaıym zattar ekonomıkasy» baǵdarlamasy otandyq óndiristi damytýdyń ınvestısııalyq quraly retinde óziniń tıimdiligin dáleldedi. Osyǵan baılanysty, Memleket basshysynyń tapsyrmasyna sáıkes Baǵdarlamany qarjylandyrýdyń jalpy kólemi 1 trln teńgege deıin ulǵaıtyldy», — dedi A. Mamın.
Koronavırýs pandemııasyna baılanysty shekteý sharalaryn engizýge qaramastan, «Qarapaıym zattar ekonomıkasy» aıasyndaǵy jobalar sany bıylǵy 10 qańtardan 10 jeltoqsanǵa deıin 2,5 eseden astam — 900-den 2600-ge deıin ulǵaıdy, al olardyń somasy 3,5 ese — 216 mlrd teńgeden 700 mlrd teńgege deıin ósti. Atalǵan jobalardy iske asyrýdan jumys oryndary sanynyń boljamdy ósýi shamamen 20 myńdy quraıdy.
Baǵdarlama aıasynda nesıelendirýge arnalǵan taýarlar men qyzmetter tizimi anyqtaldy, qaryz alýshy úshin sońǵy mólsherleme 8%-dan 6%-ǵa deıin tómendetildi, 2 jylǵa deıingi paıyzdyq mólsherleme jáne negizgi qaryz boıynsha jeńildikti kezeń engizildi. О́tken jylmen salystyrǵanda retteletin satyp alýdaǵy jergilikti qamtý úlesi 2 esege ósti, bul 1,5 myńnan astam otandyq kásiporyndy qoldaýǵa jáne jańa jumys oryndaryn ashýǵa múmkindik berdi. Jergilikti qamtýdyń joǵary ósý qarqyny jeńil ónerkásip ónimderin 38%-dan 68%-ǵa deıin, jıhaz ónerkásibi ónimderin 39%-dan 71%-ǵa deıin, azyq-túlik ónerkásibi ónimderin 41%-dan 74%-ǵa deıin, qurylys materıaldaryn 34%-dan 71%-ǵa deıin satyp alýda baıqalady. О́ńirler bólinisinde Qostanaı, Qaraǵandy, Shyǵys Qazaqstan, Almaty jáne Túrkistan oblystary kósh bastap tur (úlesiniń ortasha kórsetkishi 67%-dan 76%-ǵa deıin). Tómen kórsetkishter Mańǵystaý, Atyraý, Jambyl, Batys Qazaqstan oblystarynda baıqalady, olarda keıbir salalar boıynsha jergilikti qamtý úlesi 24%-dan 43%-ǵa deıin ózgerip otyrady. Úkimet basshysy bir aı merzimde jańa yntalandyrýdy, sonyń ishinde memleket tarapynan kepildik mólsherin ulǵaıtýdy kózdeıtin «Qarapaıym zattar ekonomıkasy» jeńildetilgen kredıt berý baǵdarlamasyna túzetýlerdiń jetinshi toptamasyn ázirleýdi tapsyrdy.
Premer-Mınıstr baǵdarlamanyń barlyq maquldanǵan jobalaryn ýaqytyly iske qosýdy qamtamasyz etý qajet ekenin atap ótti. Jaqsy mysal retinde Almaty qalasy, Jambyl jáne Qostanaı oblystary keltirildi. Sonymen qatar Qyzylorda jáne Atyraý oblystarynda maquldanǵan kóptegen jobalar áli kúnge deıin sýbsıdııalanbaǵan, onda jobalardyń somasy men sany boıynsha eń az ósim baıqalady.
О́ńirlerdiń ákimdikterine ekonomıka salalaryndaǵy jergilikti qamtý úlesiniń nysanaly kórsetkishterine qol jetkizý ǵana emes, sondaı-aq olardyń belsendi ósýin qamtamasyz etý tapsyryldy. Ol úshin jergilikti qamtýdy baqylaý jónindegi óńirlik komıssııalardyń alańyn tıimdi iske qosyp, óńirlik bıznes pen negizgi tapsyrys berýshilerdi tartý kerek. Indýstrııa jáne ınfraqurylymdyq damý, energetıka mınıstrlikterine jer qoınaýyn paıdalanýshylardyń jergilikti qamtý boıynsha erikti mindettemeler qabyldaýyn kózdeıtin zańnamalyq túzetýlerdi ázirleý tapsyryldy (jer qoınaýyn paıdalanýshylardyń satyp alýlary jyl saıyn 7 trln teńgege jetedi).
