Qorǵanys mınıstrliginde Táýelsizdik kúnine arnalǵan onlaın formatta saltanatty jınalys ótti.
«Elbasynyń strategııalyq sheberliginiń, kóregendi de syńdarly saıasaty men parasattylyǵynyń arqasynda Qazaqstan óńirdegi eń turaqty el bolyp qalyptasty. Qazaqstan Respýblıkasynyń Prezıdenti – Qarýly Kúshterdiń Joǵarǵy Bas Qolbasshysy Qasym-Jomart Kemeluly Toqaevtyń basshylyǵymen elimizdiń qorǵanys qabileti udaıy nyǵaıýda», - dep óz sózinde qorǵanys mınıstri general-leıtenant Nurlan Ermekbaev atap ótti.
Qorǵanys mınıstrimen ótken saltanatty jınalys barysynda kózge túsken áskerı qyzmetshilerge memlekettik nagradalar tabys etildi. Joǵary kórsetkishteri men úlgili qyzmeti úshin qorǵanys mınıstriniń buıryǵymen 14 ofıserge merziminen tys áskerı ataqtar berildi.
2019 jyldan beri ótkizilip, áskerlerde úlken tanymaldyqqa ıe bolǵan jáne ózderiniń kásibı sheberlikterin jetildirýde áskerı qyzmetshilerge jigerlendiretin «Ásker tarlany» konkýrsynyń qorytyndysy shyǵaryldy.
Atalǵan konkýrstyń qorytyndysy boıynsha mamandyqtar boıynsha 24 úzdik áskerı qyzmetshige estelik músinder, dıplomdar men aqshalaı syılyqtar tabys etildi.
Qorǵanys vedomstvosynyń basshysy Qarýly Kúshterdiń 2020 jylǵy tynys-tirshiliginiń joǵary nátıjelerin atap ótti. Koronavırýstyq ınfeksııasynan týyndaǵan pandemııasyna qarsy is-sharalarǵa belsendi qatysýmen qatar, armııa qarqyndy damýyn jalǵastyrýda.
Áýe shabýylyna qarsy qorǵanystyń, radıoelektrondyq kúrestiń, áskerı-kólik avıasııasynyń qazirgi zamanǵy quraldarymen jaraqtandyrý iske asyrylýda. Áskerge jańa qarý-jaraq kelip túsýde, qoldanystaǵy áskerı tehnıkaǵa kúrdeli jóndeý jáne jańartý júrgiziledi.
Qazirgi qarýly qaqtyǵystardyń tájirıbesin zerdeleý negizinde áskerlerdi daıarlaý komponentteri jetildiriledi. Arnaıy operasııalar kúshterin damytý máseleleri basty nazarda. Oqytý baǵdarlamasyna armııalyq taktıkalyq atys engizildi, armııalyq qoıan-qoltyq urys boıynsha sabaqtarmen qamtý keńeıtildi.
Áskerı ǵylym men rasıonalızatorlyq jumys jetildiriledi. Áskerı mamandar drondarǵa qarsy qarýdyń, ushqyshsyz ushý apparattarynyń, oqý trenajerlarynyń úlgilerin ázirledi.
Sybaılas jemqorlyqqa qarsy kúreste qoldanǵan júıeli sharalar bıýdjet qarajatyn iri kólemde qymqyrýǵa jol bermeýge, jemqorlyqpen quqyq buzýshylyqtar sanynyń jáne sol sebepti sottalǵan áskerı qyzmetshilerdiń yń azaıýyna múmkindik berdi.
Áskerı qyzmetshilerdi tárbıeleý prosesine olardyń tynys-tirshiliginiń barlyq salalaryn qamtıtyn sıtýasııalyq keısteri bar 50 oqý modýli engizilgen.
Komandırlerdiń derbestigi men bastamalaryn kótermeleý, áskerı qyzmetshilerdiń moraldyq-psıhologııalyq jaı-kúıin arttyrý boıynsha sharalar qabyldandy. Búginde árbir jaýynger ózinen ne talap etiletinin jaqsy túsinip, óziniń kásibı deńgeıin arttyrý úshin sanaly túrde jumys isteıdi.
