2020 jyldyń 10 jeltoqsanynda Shymkent QPD JPQB tabıǵatty qorǵaý polısııasy tobynyń qyzmetkerleri Shymkent qalasy boıynsha Ekologııa departamenti, Shymkent qalasy Abaı aýdany əkimi apparaty qyzmetkerleri jáne Abaı APB-nyń ýchaskelik polısııa ınspektorlarymen birlesip jedel aldyn alý reıdtik is-sharasy aıasynda Shymkent qalasyndaǵy Qyzyljar eldi mekeni arqyly aǵyp ótetin “Badam” ózeniniń jaǵasynda “Hýndaı” markaly ekskavator jáne “Shacman” markaly aýyr júk kóligin paıdalana otyryp, jer qoınaýyn zańsyz qazyp jatqan eki turǵyndy ustady.
Ekskavator mashınısi bolyp tabylatyn azamattyń jergilikti turǵyn ekeni, al “Shacman” markaly aýyr júk kóliktiń júrgizýshisi Túrkistan oblysynyń turǵyny ekeni anyqtalyp, oǵan qatysty QR ÁQBtK-niń 590-baby 2-bóligimen (Memlekettik tirkeý nómiri belgileri (belgisi) joq nemese paıdalanýǵa tyıym salynǵannan keıin nemese belgilengen tártippen tirkelmegen kólik quralyn basqarý) ákimshilik hattama toltyryldy.
Qorshaǵan ortaǵa keltirilgen shyǵyn kólemin Ekologııa departamenti anyqtaıdy.
Sondaı-aq Shymkent QPD JPQB tabıǵatty qorǵaý polısııa tobynyń qyzmetkerleri atalǵan jaıtqa qatysty jınaqtalǵan qujattardy qoldanystaǵy zańnamaǵa sáıkes shara qoldaný úshin Shymkent QPD Abaı APB-nyń anyqtaý bólimine joldady.
