"16 jeltoqsan - elimizdiń Táýelsizdik merekesi qutty bolsyn. Elimizdiń tuǵyry bıik, aspany ashyq bolyp, kók baıraǵy jelbireı bersin. Shańyraqtaryńyzdan án úzilmesin. Qazaqtyń mol dastarhany eshqashan jınalmasyn. Kishkentaı sábılerimiz, aq oramal taǵynǵan aıaýly analarymyz, ardaqty atalarymyz aman bolsyn", - dedi Maıra Ilııasova.
"Halqymyz ǵasyrlar boıy ańsaǵan Táýelsizdigimizge bıyl 29 jyl. Elimizdiń kók baıraǵy beıbit aspan astynda jelbirep, álemge tanyla bersin. Ár otbasyna tatýlyq pen yrys-bereke tileımin. Otanymyzdyń ıgiligi jolynda jarqyn bolashaq, jańa tabystar tileımin", - dedi Nurjamal Úsenbaeva.
"Qymbatty otandastar, barsha qazaqstandyqtar! Táýelsizdik merekesi qutty bolsyn! Elimiz aman, jurtymyz tynysh bolsyn! Táýelsizdik tuǵyry bıik bolyp, mańdaıymyzǵa máńgilikke buıyrsyn", - dedi tanymal estrada ánshisi Altynaı Jorabaeva.
"Táýelsizdik elimizge baq-bereke, jetistik ákelsin. Táýelsizdigimizdi kózimizdiń qarashyǵyndaı saqtaı bileıik. Mereke qutty bolsyn!" - dedi tanymal kıno jáne teatr akteri Erik Joljaqsynov.
"Ata-babalarymyz armandap kútken táýelsiz el bolý mártebesin kórý búgingi urpaq úshin zor baqyt. Osy qýanyshymyz qutty, baqytymyz baıandy bolǵaı! Táýelsizdigimiz tuǵyrly bolsyn!" - dedi ánshi Rústem Júginisov.
Buǵan deıin elorda turǵyndary «Meniń Týym. Meniń Otanym!» aksııasyn qoldap, balkondaryna tý ilgeni habarlanǵan bolatyn. Chellendjge ondaǵan ÚEU jáne basqa uıymdar qatysýda. Osylaısha, qala turǵyndary qazaqstandyqtardy kele jatqan merekelerimen quttyqtap, aksııany qoldaýǵa shaqyrdy. Sondaı-aq #MenińTýym #MenińTýymMenińOtanym #MoıFlagMoıaRodına #SvetMoeıRodıny #BizdińOrtaqMereke #NashObshııPrazdnık heshtegimen Qazaqstan Respýblıkasynyń týymen baılanysty jazbalar, fotosýretter, vıdeo men sıýjetter jarııalaý arqyly turǵyndar aksııaǵa belsendi qatysa alady.
