Keńes barysynda mınıstrlik basshysy Baǵdat Mýsın sybaılas jemqorlyq táýekelderin azaıtýǵa baǵyttalǵan sıfrly ónimderdi tanystyrdy. Atap aıtqanda, bıometrııalyq derekterdiń kómegimen elektrondy úkimet portalynda tirkelý.
Osylaısha, elektrondy úkimet qosymshasynda tirkelý úshin smartfondaǵy kamera jetkilikti. Tulǵany bıometrııalyq sáıkestendirý paıdalanýshyny tekserý suraqtaryn qoıý arqyly derbes anyqtaıdy jáne tirkeıdi.
Atalǵan tetik elektrondy sıfrly qoltańba jáne mobıldi azamattar bazasynda tirkelý qajettiligin boldyrmaı, tirkeý prosesin aıtarlyqtaı jeńildetedi.
«Buǵan deıin men Memleket basshysyna bıometrııanyń kómegimen jyl sońyna deıin tirkeý jobasyn iske asyrýǵa ýáde bergen edim, búgin biz ony alǵash ret tanystyryp otyrmyz. Endi árbir qazaqstandyq bir mınýt ishinde mobıldi azamattar bazasynda, eGov portalynda tirkelip, ESQ ala alady. Bul prosesti bir qadamǵa deıin jeńildetýmen qatar, jergilikti jerlerde sybaılas jemqorlyq táýekelderin azaıtýǵa múmkindik beredi. О́ıtkeni, bárimiz biletindeı, jemqorlyq tómennen bastalady», dep atap ótti Baǵdat Mýsın.
Sondaı-aq memlekettik organdardyń aqparattyq júıelerin ońtaılandyrýda jáne ekonomıka salalaryn sıfrlandyrýda platformalyq tásil tanystyryldy.
Sonymen qatar Mınıstr Aqtóbe qalasynda jer qatynastary salasyn sıfrlandyrýǵa baǵyttalǵan pılottyq jobanyń iske qosylǵany týraly aıtty. Qazir Aqtóbe turǵyndary elektrondy úkimet portalyndaǵy aýksıondar arqyly jer telimderin satyp ala alady. Bolashaqta bul jobany búkil elge keńeıtý josparlanyp otyr.
Baǵdat Mýsın ekinshi deńgeıli banktermen (EDB) jáne basqa kompanııalarmen birlesken jobalardy usyndy. Mınıstr sıfrlandyrýǵa monopolııa joq ekenin jáne qazir jeke bıznes halyqqa memlekettik qyzmetterdi usynýǵa qatysyp jatqanyn atap ótti.
Keńes barysynda turmystyq sybaılas jemqorlyqty joıý, qolaıly jaǵdaı jasaý, sondaı-aq Mınıstrliktiń ashyqtyǵy men eseptiligin qamtamasyz etý maqsatynda ótken jyldan bastap ashylǵan SDIAО́M «Adaldyq alańy» jobalyq keńsesiniń jumysyn atap ótti.
О́z kezeginde Agenttik ókilderi sybaılas jemqorlyqqa qarsy bastamalar jáne árbir qyzmetkerdiń elimizdiń ıgiligi úshin adal jáne parasatty eńbeginiń mańyzdylyǵy týraly aıtyp berdi.
«Memlekettik qyzmetshilerdiń parasattylyq ıdeologııasyna enip, shynshyldyq pen ádildik sııaqty qaǵıdattarǵa adaldyǵyn is júzinde kórsete bastaýy mańyzdy. Eń bastysy – oń ózgeristerge degen nıet pen erik», dedi Alık Shpekbaev.
Onyń aıtýynsha, mınıstrlik sıfrlandyrý salasyndaǵy sybaılas jemqorlyq táýekelderin joıý qajet ýákiletti organ ǵana emes, sonymen qatar tıimdi sıfrly quraldardy engizý arqyly sybaılas jemqorlyq táýekelderin boldyrmaý turǵysynan barlyq memlekettik organdardyń strategııalyq seriktesi bolyp kórinedi.
Mınıstrliktiń barlyq memlekettik qyzmetterdi sıfrlandyrý esebinen adamı faktordy alyp tastaý jónindegi mindetin eskere otyryp, vedomstvonyń óziniń qaǵaz formatta memlekettik qyzmetter kórsetýine jol bermeýi asa mańyzdy bolyp tabylady. Mınıstrlik basqa memlekettik organdar úshin onyń ashyqtyǵy men aıqyndylyǵy boıynsha etalon bolýy tıis.
Keńes sońynda mınıstrlikke qoǵamnyń pikirleri men úmitterin eskere otyryp, turmystyq sybaılas jemqorlyqty joıýdyń, parasattylyq qaǵıdattaryn nasıhattaýdyń jáne halyqtyń sıfrly saýattylyǵyn arttyrýdyń naqty josparyn qurý usynyldy.
Esterińizge sala keteıik, buǵan deıin osyndaı kezdesýler Básekelestikti qorǵaý jáne damytý agenttiginiń, densaýlyq saqtaý, qarjy, qorǵanys, aýyl sharýashylyǵy, ekologııa, bilim jáne ǵylym, tótenshe jaǵdaılar mınıstrlikteriniń ujymdarymen ótken bolatyn.
