«Táýelsizdik kúni qarsańynda dárigerler, muǵalimder, áleýmettik qyzmetkerler, eńbek ardagerleri memlekettik nagradalarǵa ıe boldy. Olar elordanyń kóshirilýiniń alǵashqy jyldarynda halyq sanynyń jyldam ósýin eskere otyryp, qalany jylýmen, jaryqpen jáne sýmen qamtamasyz etti. "Parasat" ordenimen medısınanyń damýyna zor úles qosqan, Ulttyq neırohırýrgııa ortalyǵynda koronavırýstyń taralýyna jol bermeý jónindegi shtabtyń jumysyn uıymdastyrǵan M.Shaıdarov marapattaldy.
«Qurmet» ordenimen - bilim berý, medısına, qurylys salasyndaǵy ardagerler, «III dárejeli Eńbek Dańqy» ordenimen ondaǵan jyldar boıy JEO, Astana-Energııa jáne t. b. strategııalyq obektilerde eńbek etken qyzmetkerler marapattaldy.
Sondaı-aq, qala men eldiń qalyptasýy men damýyna úles qosqandar «Eren eńbegi úshin», «Shapaǵat» memlekettik medaldarymen jáne Qurmet gramotalarymen marapattaldy.
Kele jatqan Táýelsizdik kúnimen quttyqtaımyn! Zor densaýlyq, otbasylaryńyzǵa amandyq pen tabys tileımin!» dep jazdy Altaı Kólginov.
