Nemat Kelimbetov atyndaǵy Túrkitaný ortalyǵy uıymdastyrǵan is-sharaǵa Qazaqstan, Ázerbaıjan, Qyrǵyzstan О́zbekstan jáne Túrkııa elderiniń túrkitanýshy ǵalymdary qatysty. Is-shara barysynda kóne túrki tili men ádebıeti máseleleri talqylandy.
Onlaın-konferensııanyń ashylýynda Abaı atyndaǵy Qazaq ulttyq pedagogıkalyq ýnıversıtetiniń rektory Takır Balyqbaev, QR Strategııalyq josparlaý jáne reformalar agenttiginiń tóraǵasy, «Astana» halyqaralyq qarjy ortalyǵynyń basqarýshysy Qaırat Kelimbetov, Túrkııa memlekettik Túrik tili qoǵamynyń prezıdenti Gúrer Gúlsevın myrzalar qatysyp, sóz sóıledi.
Is-shara barysynda Nemat Kelimbetov atyndaǵy Túrkitaný ortalyǵynyń ǵylymı qyzmetkerleri Sherýbaı Qurmanbaıuly men Márlen Ádilovtiń «Abaı tiliniń erekshelikteri» jańa kitabynyń tusaýkeser rásimi ótti. Kitapta Abaı shyǵarmalaryndaǵy qazirgi qazaq ádebı tilinde kezdespeıtin nemese óte sırek qoldanylatyn tildik erekshelikter morfologııalyq, fonetıkalyq jáne leksıkalyq aıyrmashylyqtar turǵysynan qarastyrylǵan.
Halyqaralyq jıynda Shákir Ybyraev f.ǵ.d., prof. (Qazaqstan); Mehmet О́lmez prof., dokt. (Túrkııa); Tashpolot Sadyqov f.ǵ.d., prof. (Qyrǵyzstan); Temirhan Tebegenov f.ǵ.d. prof. (Qazaqstan); Jýraqýzıev Nodırbek PhD dokt., dos. (О́zbekstan); Elchın Ibrahımov PhD dokt., dos. (Ázerbaıjan) syndy túrkolog ǵalymdar kóne túrki tili men ádebıetiniń máselelerine qatysty ǵylymı baıandamalar jasady.
