Foto: istockphoto
Joba aıasynda negizgi nazar matematıka, jaratylystaný ǵylymdary, jasandy ıntellekt, robototehnıka jáne jobalyq is-áreketke aýdarylady. Sondaı-aq oqý baǵdarlamalaryna «Dombyra», «Ulttyq óner», «Ulttyq sport» kýrstary jáne «Adal Azamat» biryńǵaı tárbıe berý baǵdarlamasy biriktiriledi.
Oqytýshylar quramynyń shamamen 80 paıyzy otandyq mamandardan turady. Bul rette halyqaralyq tájirıbeni jáne «Talant jáne Tabys» qorynyń kásibı damý baǵdarlamalaryn paıdalaný kózdelgen. Bul ulttyq pedagogıkalyq mektepti ozyq halyqaralyq tájirıbelermen ushtastyrýǵa múmkindik bermek.
Almatyda «Sırıýs» mektebi men bilim berý ortalyǵynyń irgetasyn qalaý rásimi ótti
Osylaısha biregeı bastama mektep oqýshylarynyń olımpıadalarǵa, ǵylymı joba baıqaýlaryna, zertteý jumystaryna qatysý múmkindikterin keńeıtedi. Ol eldiń barlyq óńirlerinen kelgen balalardyń talanttaryn damytýǵa jaǵdaı jasaıdy jáne ǵylymı-tehnologııalyq salalarda erte kásibı turǵydan ózin ózi anyqtaýǵa yqpal etedi.
Búginde «Sırıýs – Qazaqstan» jobasyn eki qalada – Almaty jáne Astanada iske asyrý josparlanǵan. Bul bilim berý ınfraqurylymynyń júıeli modelin qalyptastyrýǵa múmkindik beredi.
