• 06 Jeltoqsan, 2013

Aqparattar aǵyny

278 ret

kórsetildi

2 mın

oqý úshin

Egemen Qazaqstan

*Astanada EKSPO-2017 aıasynda áýejaı men vokzal salynady. Bul týraly aıtqan «Astana EKSPO-2017» ulttyq kompanııasynyń basqarma tóraǵasy Talǵat Ermegııaev kórme aıaqtalǵannan keıin salynǵan nysandar 8 aıdan 1 jylǵa deıin halyqtyń ıgiligine paıdalanylyp jasalatynyn jetkizdi.

* Azyq-túlik korporasııasy qytaı naryǵyna azyq-túlik bıdaıyn jetkizýdi bastady. Bul eldiń iri astyq treıderimen jasaǵan bitimge sáıkes bıylǵy jyldyń sońyna deıin 10 myń tonna bıdaı jetkizý kózdelip otyr.

* Aldaǵy 5 jylda elorda men onyń tóńireginen jer telimderi bólinbeıdi. Osyny málimdegen Astana qalasy ákiminiń birinshi orynbasary Sergeı Horoshýn bul mańaıda aýyl sharýashylyǵy men kommersııalyq nysandary úshin bólingen 14 myń gektarlyq 645 jer ýchaskesi bos jatqanyn da baıandady.

* Semeıde 38 otbasy jańa páterlerge ıe boldy. Bul joly «Jumyspen qamtý-2020» baǵdarlamasynyń úshinshi baǵyty boıynsha boı kótergen qonystar kiltterin Shyǵys Qazaqstan oblysynyń ákimi Berdibek Saparbaev áleýeti álsiz dep tanylǵan eldi mekenderden qonys aýdarýshylarǵa tabys etti.

* Taldyqorǵanda Bıken Rımovanyń 90 jyldyǵyna arnalǵan halyq teatrlarynyń festıvali bastaldy. Úsh kúndik óner saıysynda jergilikti halyq teatrlary kórermendermen júzdesedi.

* Almaty oblysynyń ákimi bokstan álem chempıony Jánibek Álimhanulyna páter kiltin syılady. Aımaq basshysy Ańsar Musahanov sportshyǵa, sonymen qatar 2 mln. 300 myń teńgeniń sertıfıkatyn da tapsyrdy.

* Qostanaı oblystyq kitaphanasy eski gazetterdiń elektrondyq nusqasyn ázirledi. Sala qyzmetkerleriniń eren eńbekteri arqasynda endi munda birneshe aıdan keıin elektrondy kitaphana jumys isteı bastaıdy.

* Eldiń bes aımaǵynda aýyz sý baǵasy 40 paıyzǵa kóterildi. Monopolısterdiń erkimen osylaısha qazir qymbatshylyqqa Atyraý, Soltústik Qazaqstan, Qaraǵandy, Almaty jáne Shyǵys Qazaqstan oblystarynyń jurty ushyraǵaly otyr.

QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.