Keshe Elbasy Nursultan Nazarbaev «Qazatomónerkásip» UAK» AQ basqarma tóraǵasy Vladımır Shkolnıkti qabyldady, dep habarlady Prezıdenttiń baspasóz qyzmeti.
Keshe Elbasy Nursultan Nazarbaev «Qazatomónerkásip» UAK» AQ basqarma tóraǵasy Vladımır Shkolnıkti qabyldady, dep habarlady Prezıdenttiń baspasóz qyzmeti.
V.Shkolnık Memleket basshysynyń «Qazatomónerkásip» UAK» AQ strategııalyq damý baǵdarlamasyn, sondaı-aq, ıadrolyq-otyn sıkly, hımııalyq ındýstrııa men jańartylatyn energetıka salasyndaǵy iri ındýstrııalyq jáne ınnovasııalyq jobalardy iske asyrý jónindegi tapsyrmalarynyń oryndalý barysy týraly baıandady.
Nursultan Nazarbaev ulttyq kompanııanyń birqatar baǵyttar boıynsha, atap aıtqanda, atom stansalary úshin qurastyrý óndirisimen, balamaly energetıka jáne sırek kezdesetin ken ónimderimen baılanysty qyzmetin kúsheıtýdiń mańyzdylyǵyn atap ótti.
Sondaı-aq, kezdesý barysynda «Qazatomónerkásip» UAK» AQ basshysy Memleket basshysyn Qazaqstannyń álemdik óndirýdiń 37%-yn qamtamasyz ete otyryp, álemdegi ýran óndirý salasynda kóshbasshylyq pozısııasyn ustap kele jatqany jaıynda habardar etti. Bul rette kompanııa qarjylyq ornyqtylyǵy men damý qarqynyn saqtap, ınvestısııalyq baǵdarlamasy men áleýmettik mindettemelerin tolyq kólemde oryndap keledi. 2010 jyldan beri áleýmettik salanyń damýyna 37 mlrd.-tan astam teńge bólingen.
Kezdesý qorytyndysynda Qazaqstan Prezıdenti jańartylatyn energetıka jáne sırek kezdesetin ken ónimderin óńdeý salasyndaǵy kompanııanyń qyzmetinde jańa ınnovasııalyq tehnologııany qoldaný jóninde naqty tapsyrmalar berdi.
Sýretti túsirgender
S.BONDARENKO, B.OTARBAEV.
