Kásipkerlerge grant berý júzege asýda

Úkimettiń keńeıtilgen otyrysynda Elbasy «Bıznestiń jol kartasy-2020» baǵdarlamasy sheńberinde kásipkerlerge grant berý nashar ekendigi týraly syn-eskertpeler aıtqany málim. Bul synnyń ózi bizdiń jumysymyzǵa úlken qozǵaýshy kúsh boldy.

Úkimettiń keńeıtilgen otyrysynda Elbasy «Bıznestiń jol kartasy-2020» baǵdarlamasy sheńberinde kásipkerlerge grant berý nashar ekendigi týraly syn-eskertpeler aıtqany málim. Bul synnyń ózi bizdiń jumysymyzǵa úlken qozǵaýshy kúsh boldy.

Negizi, «Bıznestiń jol kar­ta­sy-­2020» baǵdarlamasy sheń­be­rinde granttar 2012 jyldyń ekinshi jartyjyldyǵynan bastap beri­lýde. Almaty oblysy bul baǵyttaǵy jumystardy alǵash­qylardyń biri bolyp «pılottyq» baǵytta bastady. Granttardy usyný erejesine saı bir basta­ýysh kásipker úshin granttyń somasy 3 000 000 teńge­den aspaýy tıis. Byltyrǵy jylǵa granttardy usyný úshin oblysqa 42 mln.teńge bólinip, bul qarajat 100 paıyzǵa ıgerildi. Granttar agroónerkásip keshenin damytýyna, azyq-túlik ónimderin shyǵarýǵa, týrızm men tiginshilik qyzmetterdi damytý úshin 14 ká­sip­kerge árqaısysyna 3 mln.teńgeden berildi. Aǵymdaǵy jyl­ǵa Almaty oblysyna 90 mln. teńge bólinip, bul qarajat 100 paıyzǵa ıgerildi. Atalǵan baǵdarlamany is-júzine asyrýǵa Qarasaı, Jambyl, Panfılov, Sarqan, Qaratal, Kerbulaq, Kóksý, Aqsý, Eskeldi aýdandary men Taldyqorǵan jáne Qapshaǵaı qalalarynan barlyǵy 27 úmitker qatysty.

Granttardy usyný erejesine saı isin jańa bastaǵan jeke kásipkerlik sýbektilerine, jas kásipkerlerge, áıelderge, múge­dekterge nysanaly granttar eko­nomıkanyń basym sektorlary sheńberinde biregeıligimen jáne jańalyǵymen erekshelenetin jańa bıznes-ıdeıalardy iske asyrý úshin óteýsiz jáne qaıtarymsyz negizde beriledi.

Aǵymdaǵy jylda Almaty oblysy respýblıka kóleminde eń kóp joba qarastyryp, grant­­­­tar usynǵanyn atap ótý qajet. Naqtylaı tússem, eki jylda Almaty oblysynda «Bız­nestiń jol kartasy-2020» baǵdar­la­ma­synyń 41 qatysý­shy­syna 132 mln. teńge kóleminde granttar usynylyp, berildi. Bul áreketter Jetisý jerinde kásipkerlerge grant berý máselesine oraı aıtylǵan ádil synnan qorytyndy shyǵarýǵa jasalǵan talpynystyń bir parasy dep te túsingen jón.

Nurlan SYDYQOV,

Almaty oblysynyń kásipkerlik basqarmasy  basshysynyń orynbasary.