Jańa joldar salý, kútip ustaý, eskilerin jóndeý qashanda kún tártibindegi túıindi másele sanalsa, búginde mańyzdylyǵy odan saıyn zor. Qazirgi kezde avtomobıl sany jedel ósýine, aýyr júk kóteretin, joǵary jyldamdyqpen júretin, jolaýshylar tasymaldaý, kólikter qatynasy ulǵaıa túsýine baılanysty halyqaralyq standarttarǵa saı bolýy qajettigi ómir ózi qoıyp otyrǵan talap.
Jańa joldar salý, kútip ustaý, eskilerin jóndeý qashanda kún tártibindegi túıindi másele sanalsa, búginde mańyzdylyǵy odan saıyn zor.Qazirgi kezde avtomobıl sany jedel ósýine, aýyr júk kóteretin, joǵary jyldamdyqpen júretin, jolaýshylar tasymaldaý, kólikter qatynasy ulǵaıa túsýine baılanysty halyqaralyq standarttarǵa saı bolýy qajettigi ómir ózi qoıyp otyrǵan talap. Bul kúrdeli salada jetistiktermen birge kemshilikter de kezdesýi jasyryn emes. Avtomobıl joldary jobalarynyń sapasyz salynýy, tıisti normatıvtik qujattardyń eskirýi, joldy talapqa sáıkes salmaǵan merdigerlerdi jaýapkershilikke tartý sharalarynyń jetimsizdigi sııaqty iske oralǵy jaılar barshylyq. Alaıda, jaǵymdy ózgeristerge betburys ony birte-birte azaıtyp ta keledi. Osy oraıda, sońǵy ýaqyttaǵy kórsetkishter, máselen, jaqsy jáne qanaǵattanarlyq sanattaǵy joldar budan úsh jyl buryn 65 paıyzdy qurasa, bıyl 75 paıyzǵa kóterildi. Bul ýaqyt aralyǵynda jańadan salynyp, jóndelgen 1424 shaqyrym jol jaǵdaıy soǵan jaýap bere alady.
Aǵymdaǵy jyly respýblıkalyq jáne oblystyq mańyzy bar 750 shaqyrym jol laıyqty qalypqa keltirildi. Eń bastysy – sapalyq deńgeıin jaqsartý alǵa qoıylyp otyr. Osyǵan oraı oblysta avtomobıl joldarynda jóndeý jumystarynyń sapasyn bessatylyq júıe boıynsha baqylaý, atap aıtqanda, tehnıkalyq qadaǵalaý qyzmetterin kórsetý maqsatynda ınjenerlik qyzmetterdi, avtorlyq qadaǵalaýdy, «Qaraǵandyjollaboratorııa» MM táýelsiz memlekettik zerthanasyn koldaný júrgiziledi, árbir jóndeletin jolǵa jaýapty tapsyrys berýshiniń mamany bekitildi.
Atap óterlik bir jaıt, sala jumystary negizinen oblys jol-qurylys ındýstrııasy kúshimen atqarylýda. Bıtýmnan basqa qoldanylatyn barlyq materıaldar jergilikti kásiporyndar ónimderi bolyp tabylady. Bıyl asfalttyń jańa túri – qıyrshyq tasty mastıkalyq beton keń qoldanysqa endi. Sondaı-aq, ózimizdiń metallogofralyq qubyrlardy paıdalaný únemdilikke, jeńil tasymaldanýǵa, aıazǵa tózimdilikke, qurastyrýǵa jeńildikke múmkindik berip otyr. Tekturmas ken ornynda granıtti shyǵarý ulǵaıtý jáne ony óńdeıtin arnaıy qurylǵylar ornatý arqyly granıtti bordıýrler tolyǵymen qamtamasyz etiletin boldy. Polımer materıaldary zaýyty buǵan deıin oblysymyzda shyǵarylyp kórilmegen jol bloktary men konýstaryn óndire bastady. Atalǵan buıymdar qala ishinde, eldi mekenderde, avtomagıstraldarda keńinen paıdalanylady.
Osy jazda Astana – Qaraǵandy baǵytyndaǵy 4 jolaqty jol qurylymynyń bastalýy aımaq ómirine úlken ózgerister ákelgeli otyr. Elimizdegi taǵy bir jańa kúretamyrda qurylys jumystary qyzý qarqynmen júrgizilýde.
Bul rette Elbasynyń keńeıtilgen Úkimet otyrysynda aıtqan syn-eskertpeleri men tapsyrmalary qatań eskerilmek.
Maqsut QOJANOV,
Qaraǵandy oblystyq jolaýshylar kóligi
jáne avtomobıl joldary basqarmasy basshysynyń orynbasary.
