Álemdik ekonomıkalyq damýda shaǵyn jáne orta bıznestiń úlesi mol. Sondyqtan da ilgerileýge baǵyt ustaǵan elder kásipkerlikti meılinshe damytýǵa tyrysady. Damyǵan otyz eldiń qataryna enýge qadam basqan Qazaqstan da kásipkerlikti damytýdyń sony soqpaqtaryna iz salýda desek artyq aıtqandyq bola qoımas. Muny shaǵyn jáne orta bıznes nysandarynyń sany artyp, ekonomıkalyq áleýetimizdiń jyl ótken saıyn nyǵaıyp kele jatqany da dáleldeıdi.
Álemdik ekonomıkalyq damýda shaǵyn jáne orta bıznestiń úlesi mol. Sondyqtan da ilgerileýge baǵyt ustaǵan elder kásipkerlikti meılinshe damytýǵa tyrysady. Damyǵan otyz eldiń qataryna enýge qadam basqan Qazaqstan da kásipkerlikti damytýdyń sony soqpaqtaryna iz salýda desek artyq aıtqandyq bola qoımas. Muny shaǵyn jáne orta bıznes nysandarynyń sany artyp, ekonomıkalyq áleýetimizdiń jyl ótken saıyn nyǵaıyp kele jatqany da dáleldeıdi. Bul baǵytta jastarǵa mol senim artylatyny da jasyryn emes. Alǵyr oıly, istiń tetigin biletin jastar eldiń erteńi ekeni sózsiz. Árıne, bul baǵytta olardyń ózara tájirıbe almasyp, ortaq oılasýynyń da mańyzy zor. Osy turǵydan kelgende Aqtóbe qalasynda ótken «Isker jastar» atty jas kásipkerlerdiń birinshi shekaraaralyq bıznes forýmy nátıjeli boldy. Ony oblystyq jastar saıasaty máseleleri basqarmasynyń memlekettik áleýmettik tapsyrysy boıynsha «Kontakt» zertteýler men jobalar ortalyǵy» qoǵamdyq birlestigi Qazaqstan Respýblıkasy Prezıdentiniń janyndaǵy Jastar saıasaty jónindegi keńes aıasynda uıymdastyrdy. Forýmǵa Aqtóbe, Atyraý, Batys Qazaqstan jáne Reseıdiń kórshiles Orynbor oblysynan jas kásipkerler qatysty. Forýmnyń maqsaty aıaǵynan nyq turyp ketken bıznesmendermen jas kásipkerlerdi jolyqtyryp, ózara pikir almasýyna jaǵdaı jasap, jas býyn men orta býyn arasynda tájirıbe almasýǵa muryndyq bolý, jastar kásipkerliginiń basty baǵyttaryn aıqyndaý, olardyń kásipkerlikke degen qulshynysyn oıatý jáne jastar arasynda kásipkerliktiń damý qarqynyn arttyrý bolyp tabylady. Jas kásipkerler bas qosqan alqaly jıyndy oblys ákiminiń orynbasary Sara Nurqatova ashyp, forým jumysyna sáttilik tiledi. Ol sondaı-aq, jastardyń kásipkerliktiń qyr-syryn meńgerýi úshin barlyq jaǵdaı jasalyp otyrǵanyn jetkize kelip, olarǵa jańasha oılaý qajettigin, bilimdi jáne izdenimpaz bolý kerektigin alǵa tarta sóıledi. Jańa tehnologııalardy ıgerýge talpyný, bıznesti tıimdi uıymdastyra bilý ǵana tabysqa jetkizetinin tilge tıek etti.
Jas kásipkerlerdiń jıyny barysynda Izraıl memleketiniń dıplomatııalyq vedomstvo basshysynyń orynbasary Hezı Keınanmen beıne-lınk uıymdastyryldy. О́z bıznes jobasyn júzege asyrýǵa memlekettik grant alǵan Reseıdiń jas bıznesmeni A.Poroshına, «Damý» kásipkerlikti damytý qory» AQ Aqtóbe fılıalynyń dırektory Jedelbek Myrzaǵalıev, aqtóbelik jas mıllıoner Marat Ábıev jáne basqalary shyǵyp sóılep, kásipkerlik týraly oılaryn ortaǵa saldy. Shara barysynda «Sybaılas qylmys – shaǵyn jáne orta bızneske kedergi» atty plakattar baıqaýynyń qorytyndysy shyǵarylyp, jeńimpazdar marapattaldy.
Satybaldy SÁÝIRBAI,
«Egemen Qazaqstan».
Aqtóbe oblysy.
