Sondaı-aq bul sehta kvas ta daıyndalady. Atalǵan sehty «Atyraý Agro О́nimderi» JShS iske qosty. Seh qýaty kúnine 2 tonna alma, 1,5 tonna lımon shyryny men 1,5 tonna kvas sýsynyn shyǵarýǵa eseptelip otyr.
– Biz almanyń 32 túrinen shyryn shyǵaramyz. Aldaǵy jyly 500 tonnaǵa deıin alma shyrynyn shyǵarý josparda tur. Daıyn ónimdi ázirge tek Atyraý oblysynda taratamyz. Keıin batys óńirdegi oblystar men Reseı eline eksporttaımyz. О́ıtkeni ekologııalyq taza ónimniń jaramdylyq merzimi 14 kún bolǵandyqtan, alysqa tasymaldaý múmkindigi bolmaı tur. О́nimniń 80 paıyzy kókónisten daıyndalady. Al 20 paıyzy – sý. Munda sý úsh ret súzgiden ótedi. Sehta ázirge 8 adam jumys isteıdi. Kóktem, jaz mezgilinde jumysshylar 60 adamǵa deıin kóbeıedi. Jumysqa jergilikti turǵyndar tartylady. Kelesi jyldyń qańtarynda Germanııadan tehnologtar kelip, bizdiń mamandarǵa dáris beredi. Oqytý merzimi eki aıǵa sozylady. Osylaısha, qyzmetkerlerimiz joǵary dárejedegi maman bolyp shyǵady, – deıdi seh tehnology Tamıla Rozmetova.
Jańa sehty iske qosqan «Atyraý Agro О́nimderi» seriktestigi – Atyraý oblysynda azyq-túlik beldeýin qalyptastyrýda erekshe úlesi bar kásiporyn. Eshki sútinen qunarly ónim túrlerin naryqqa usynyp otyrǵan kásiporyn ekologııalyq tabıǵı taza bal da shyǵarady. Qazir kásiporyn jergilikti 50 turǵyndy turaqty jumyspen qamtyp otyr. Buǵan deıin 35 adam eshki súti zaýytynda, 15 adam alma baǵynda eńbek etip kelse, endi shyryn sehy arqyly taǵy 8 adam turaqty jumysqa ornalasqan.
Atyraý oblysy
