Oqıǵa • 20 Jeltoqsan, 2020

Úgit jumysy pármendi júrgizilýde

86 ret kórsetildi

Qazaqstan Halyq partııasynyń ókilderi elimizdiń túkpir-túkpirinde partııanyń saılaýaldy úgit-nasıhat jumystaryn júrgizip jatyr. Bul jumystar eń aldymen elimizdegi densaýlyq saqtaý, eńbek adamy­nyń quqyǵyn qorǵaý, qoljetimdi baspana, tegin ári sapaly bilim berý máselelerin qamtyp otyr.

Saılaýaldy úgit-nasıhat naýqany aıasynda uıym­das­ty­rylǵan is-sharada QHP balalardyń densaýlyǵyna nem­quraıdy qaramaýǵa shaqyrady.

Nur-Sultan qalasynda atalǵan partııanyń atynan Par­la­ment Májilisiniń depýtattyǵyna kandıdattar Oljas Syzdyqov pen Islam Suńqar erekshe balalarǵa arnalǵan «Spına bıfıda» qorynyń basshylarymen, ata-analarmen kezdesý ótkizdi.

Kezdesý barysynda ata-analar arqa bıfıda aýrýy, medı­sınalyq qyzmet kórsetý sapasy jáne áleýmettik kepil­dikke qatysty máselelerdi kóterdi. Dıalog kezinde Qazaqstan Halyq partııasynyń saılaýaldy platformasy usynyldy. Onda Qazaqstannyń árbir azamatyn qoljetimdi jáne sapaly medısınamen qamtamasyz etýge basymdyq berilgen.

QHP ókilderi bedeldi kásipodaqtar jumysshylardy qorǵaýy kerek ekenin aıtýda. Jýyrda Atyraý qalasyndaǵy Kásipodaqtar úıiniń kishi zalynda Qazaqstan Halyq partııasynyń ókilderi eńbek ujymdarymen, munaı-gaz sektorynyń qyzmetkerlerimen kezdesý ótkizdi.

Is-shara barysynda jumysshylardyń quqyǵyn shynaıy qorǵaıtyn táýelsiz kásipodaqtardy qoldaý bastamasy túsindirildi. Kásipodaqtar el azamattarynyń quqyqtaryn qorǵap, eńbek daýlaryn ádil sheshýi kerek.

QHP qoljetimdi baspanalardyń jastarǵa qoljetimsizdigin aıtýda. Osyǵan baılanysty, Qazaqstan Halyq partııasynyń Astana qalalyq fılıalynda «Jastarǵa arnalǵan qoljetimdi baspana» taqyrybynda qoǵamdyq tyńdaý ótti. Is-sharany QHP Astana qalalyq komıtetiniń Jastar qanaty uıymdastyrdy. Partııa músheleriniń aıtýynsha, Qazaqstanda memlekettik turǵyn úı baǵdarlamalary barshylyq. Alaıda jastarǵa qoljetimdi baspana joq.

QHP tegin ári sapaly bilimdi qoldap otyr. Máselen, Qazaq­stan Halyq partııasy ótkizgen «Men tegin bilimdi qoldaı­myn!» ınternet-aksııasy qoǵamda dúmpý týdyrdy. Par­la­ment Májilisiniń depýtaty, partııa tóraǵasy Aıqyn Qońyrov: «...Bilim berý memlekettiń júıequraýshy ıns­tıtýty bo­lyp tabylady. Munaıdyń dáýiri ótip barady. Adam kapı­taly birinshi orynǵa shyǵa bastady. Sapaly ári qoljetimdi bilimge ınvestısııa tartý – bolashaqqa quıylǵan ınvestısııa», dedi.

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar