Belgilengen marshrýt boıynsha júgirý barlyq jas sanaty úshin birdeı – 10 km. Ár qatysýshy jeke óz startymen júgiredi. Ýaqyt aralyǵy – kem degende 30 sekýnd.
«50-59 jáne 60+ jas tobyndaǵy qatysýshy erler men áıelder jarysty tańǵy 07:00-den, 40-49 jastaǵylar tańǵy 08:30-dan, 30-39 jas aralyǵyndaǵylar 10:00-den, 18-29 jastaǵy qatysýshylar tańǵy 11:00-den bastaıdy. Top bop júgirýge tyıym salynady. Eń az ara qashyqtyq – 5 metr. Qatysýshylar sany shekteýli, eń kóbi – 300 adam», delingen habarlamada.
Jeńimpazdar men júldegerlerdi marapattaý 28-30 jeltoqsanda Nur-Sultan qalalyq Trıatlon federasııasy (Qabanbaı batyr 41A mekenjaıy boıynsha) keńsesinde saǵat 10:00-den 17:00-ge deıin onlaın ótedi.
Is-sharany Dene shynyqtyrý jáne sport basqarmasy, Nur-Sultan qalasy ákimdiginiń «Sporttyq-buqaralyq is-sharalardy ótkizý dıreksııasy» KMM, Nur-Sultan qalasynyń «Trıatlon federasııasy» QB, «Nur-Sultan qalasynyń jeńil atletıka federasııasy» QB, «Qazaqstan velosıped sporty federasııasy» RQB Nur-Sultan qalalyq fılıaly uıymdastyryp jatyr.
Barlyq suraqtar boıynsha 8 777 555 5707 nómirine habarlasýǵa bolady.
