Parlament • 21 Jeltoqsan, 2020

Nurlan Nyǵmatýlın qaraǵandylyq pedagogtermen jáne dárigerlermen kezdesti

7 ret kórsetildi

Nurlan Nyǵmatýlın Nur Otan partııasynyń saılaýaldy úgit naýqany aıasynda Qaraǵandy oblysyndaǵy medısına jáne bilim berý salalarynyń ókilderimen kezdesti, dep habarlaıdy Egemen.kz

Oblystyq kardıohırýrgııa ortalyǵynda, sondaı-aq Qaraǵandy qalasynyń №103 mektep-lıseıindegi kezdesýlerde partııanyń saılaýaldy baǵdarlamasynyń áleýmettik baǵyttaryna basa nazar aýdaryldy.

Nurlan Nyǵmatýlın atap ótkendeı, Elbasy, Partııa Kóshbasshysy Nursultan Nazarbaev bastamashy bolǵan jáne búginde Memleket Basshysy Qasym-Jomart Toqaev odan ári jalǵastyryp kele jatqan áleýmettik jańǵyrtý aıasynda Nur Otan partııasy qazaqstandyqtardyń sapaly bilim men medısınalyq qyzmetter alýy úshin múmkindikter jasaýdy basty mindetterdiń biri dep sanaıdy.

Barlyq zamanaýı talaptarǵa oblystyq kardıohırýrgııalyq ortalyq jaýap beredi. Onyń operasııalyq-reanımasııalyq blogy ınnovasııalyq quraldarmen, onda qyzmet etetin mamandardyń barlyǵy joǵary bilikti, bul jerde júrekke kúrdeli operasııalar jasalady.

Osyndaı jańa medısınalyq ortalyqtar ár óńirde bolýy úshin partııa aýdandyq aýrýhanalardy qajetti medısınalyq jabdyqtarmen jabdyqtaý, sanıtarlyq-epıdemııalyq qyzmetti kúsheıtý, zerthanalardy jańartý boıynsha sharalar qabyldaıdy.

Bilim berýdi damytý úshin Nur Otan 800 jańa mektep salý esebinen sapasyz oqýlyqtar, apatty jáne úsh aýysymdy mektepter problemalaryn sheshýge, barlyq aýyl mektepterin joǵary jyldamdyqty ınternetpen qamtýdy qamtamasyz etýge nıetti. Nurlan Nyǵmatýlın 2024 jylǵa qaraı pedagogterdiń jalaqysy 2 esege, al dárigerlerdiń jalaqysyn 2023 jylǵa qaraı 2,5 ese artatynyn aıtty.

Muǵalimderdiń aıtýynsha, «Pedagog mártebesi týraly» zańnyń ustazdar úshin mańyzy óte zor, atalǵan zań olardyń quqyqtaryn rettep, bilim berý sapasyna, muǵalimniń mártebesin kúsheıtýge yqpal etedi.

– Nur Otan partııasynyń saılaý baǵdarlamasy, ol – naqty jospary bar jáne tıisti qarjymen qamtamasyz etilgen baǵdarlama. Sonyń ishinde baspana, óndiristi damytý, áleýmettik sala, shaǵyn, orta bıznesti qoldaýǵa erekshe kóńil bólindi. Bul árbir qazaqstandyq úshin óte mańyzdy másele. Osy suraqtar týraly búgin kenshilermen, dárigerlermen jáne muǵalimdermen kezdesýde ashyq áńgime boldy. «Nur Otan» partııasynyń saılaý baǵdarlamasynyń dál osy baǵyttaryna Qaraǵandy oblysynyń turǵyndary qoldaý kórsetti, – dedi Nurlan Nyǵmatýlın.

Sońǵy jańalyqtar

Sheteldik vaksınalar aqyly bolady

Koronavırýs • Keshe

Almatyda qylmys azaıdy

Aımaqtar • Keshe

Uqsas jańalyqtar