Aralaý barysynda qutqarýshylar turǵyndarǵa túsindirý jumysyn júrgizdi. Peshpen jylytý jáne elektr jylytqyshtardy paıdalaný kezinde órt qaýipsizdigi jadynamalaryn berdi. Sondaı-aq, áleýmettik osal topqa jatatyn qala turǵyndarynyń úılerinde 928 gaz datchıgi ornatyldy. Bul jabdyqtar adam ómirin saqtaýǵa kóp kómegin tıgizedi.
«Aralaý halyqtyń áleýmettik osal toptaryndaǵy 3 myńnan astam adamdy qamtydy, 29 myńnan astam jadynama taratyldy. Aýdan ákimdikteriniń kómegimen 2019-2020 jyldary halyqtyń áleýmettik osal toptarynyń 1543 úıinde 928 datchık ornatyldy, bul bes azamattyń ómirin saqtap qalýǵa múmkindik berdi. Búgingi tańda jylytý maýsymy qazan aıynan bastaldy. Osy datchıkterdiń arqasynda biz Baıqońyr aýdanynda bir otbasyn qutqardyq", - dep habarlady TJD tótenshe jaǵdaılardyń aldyn alý basqarmasynyń bastyǵy Baýyrjan Beısekanov brıfıng barysynda.
Buǵan deıin habarlanǵandaı, Elorda ákimi TJD jáne aýdan ákimdikteriniń qyzmetkerlerine pesh jabdyqtary men gaz ballondaryn paıdalaný boıynsha túsindirý sharalaryn kúsheıtýdi tapsyrdy.
