Eńbekshilerdiń demalysy úshin qolaıly jaǵdaı jasaý jáne 2013 jylǵy jeltoqsan men 2014 jylǵy qańtardaǵy jumys kúnin utymdy paıdalaný maqsatynda Premer-Mınıstr Serik Ahmetov demalys kúnin 2013 jylǵy 28 jeltoqsan senbiden 2014 jylǵy 3 qańtar jumaǵa aýystyrý týraly Úkimet qaýlysyna qol qoıdy. Bul týraly «Habar» telearnasy habarlady.
Qaýlyǵa sáıkes, qajetti ónim shyǵarý, qarjy qyzmetterin qosa alǵanda, qyzmetter kórsetý, sondaı-aq qurylys obektilerin iske qosý úshin eńbek, materıaldyq jáne qarjy resýrstarymen qamtamasyz etilgen uıymdarǵa kásipodaq uıymdarymen kelisim boıynsha 2014 jylǵy 3 qańtarda jumys júrgizýge quqyq beriledi.
Kórsetilgen kúngi jumys Qazaqstan Respýblıkasynyń qoldanystaǵy zańnamasyna sáıkes óteledi.
Derekkóz: «Habar» telearnasy
