«Oppozısııa ókilderiniń bılikti basyp alý áreketteri zańsyz ári konstıtýsııaǵa saı emes», – dedi Ýkraınanyń aımaqtyq partııa depýtaty Vladımır Olıınyk. Bul týraly Obozrevatel.com habarlady.
«Oppozısııa ǵımarattardy basý arqyly konstıtýsııaǵa qaıshy áreket jasaýda. Bul tártipsizdikterdi toqtatpasaq erteń olar turǵyn úılerge kire bastaıdy», – dedi depýtat. Ol sondaı-aq oppozısıonerlerdiń bılikke qol jetkizý maqsatynda bolshevıktik tásil qoldanyp jatqandaryn alǵa tartty.
Ýkraınada jappaı narazylyq aksııasy 21 qarashada úkimettiń Eýropa Odaǵymen qaýymdastyq qurý jónindegi kelisimge daıyndyqty toqtatýynan keıin bastaldy. Vılnıýste ótken «Shyǵys áriptestigi» sammıtinde atalmysh kelisimge qol qoıylady dep kútilgen. Alaıda, sammıt barysynda Eýropa Odaǵynyń basshylary Ýkraına prezıdenti Vıktor Iаnýkovıchti qaýymdastyq jónindegi kelisimge qol qoıýǵa kóndire almady. Osy kezden bastap eýroıntegrasııany qoldaýshylar memlekettik mekemelerdi basyp alýǵa árekettenip, kúndelikti narazylyq aksııalaryn ótkizip turdy. Tipti olar kúnniń sýyǵyna qaramastan alańda qona bastaǵan.
Aıdar О́risbaev.
Derekkóz: Obozrevatel.com
