Osyǵan oraı, Májilis Tóraǵasy Nurlan Nyǵmatýlın zańǵa engizilgen normalar memlekettik satyp alýdyń tıimdiligin arttyrýǵa, eń bastysy, sybaılas jemqorlyqty tómendetetinin aıtty. Sondaı-aq, Nurlan Nyǵmatýlın memlekettik satyp alý salasynda basshylardyń qyzmetin mindetti reıtıngtik baǵalaý zań deńgeıinde bekitiletinine nazar aýdardy. Ol eń aldymen, memleket múddesin saqtaı otyryp, ashyq jumys isteýge jol ashady.
Aıta ketý kerek, qoldanystaǵy zańda jetkizýshilermen tikeleı sharttar jasasý arqyly bir kózden satyp alý úshin negizder qarastyrylǵan. Biraq depýtattar bul normalardy tapsyrys berýshige memlekettik satyp alýdy uıymdastyrýdyń básekelestik ádisteri taýsylǵan kezde ǵana osyndaı múmkindikti paıdalaný talabymen tolyqtyrdy. Bul talapty oryndamaǵan memlekettik organdardyń basshylary 100 aılyq eseptik kórsetkish kóleminde ákimshilik jaýapkershilikke tartylatyn bolady.
Sonymen qatar memlekettik organdardyń birinshi basshylaryn adal jáne ashyq memlekettik satyp alýlardy ótkizýge yntalandyrý úshin depýtattar olardyń qyzmeti tıimdiliginiń negizgi kórsetkishterin engizý jolyn usyndy. Atap aıtqanda, bir kózdiń úlesi, quqyq buzýshylyqtar sany, qarjy qarajatyn únemdeý úlesi, ótkizilmegen satyp alý sany, sondaı-aq kúshi joıylǵan satyp alý jáne t. b.
Osy rette, Májilis Tóraǵasy reıtıngtik baǵalaýdy engizýdiń, sondaı-aq osy prosesti avtomattandyrý máselelerin pysyqtaýdyń mańyzdylyǵyna nazar aýdaryp, básekelestik jetkizýshiler arasynda ǵana emes, tapsyrys berýshi memlekettik organdar arasynda da bolýy kerek ekenin atap ótti.
